ଧର୍ମଶାଳା : ତିବ୍ଦତୀୟ ଧର୍ମଗୁରୁ ଦଲାଇ ଲାମା ତାଙ୍କ ଉତ୍ତରାଧିକାରୀ ଭାରତରୁ ହିଁ ବାଛିବେ ବୋଲି ସୂଚନା ଦେଇଛନ୍ତି। ସେ କହିଛନ୍ତି ଯେ ‘ମୋର ଉତ୍ତରାଧିକାରୀ କିଏ ହେବେ ତାହା ଚୀନ୍ ପାଇଁ ଅତ୍ୟନ୍ତ ଗୁରୁତ୍ବପୂର୍ଣ୍ଣ। ମୋ ଅପେକ୍ଷା ପରବର୍ତ୍ତୀ ଲାମାଙ୍କୁ ନେଇ ଚୀନ୍ ଚିନ୍ତିତେ ତେଣୁ ଚୀନ୍ ଦ୍ବାରା ଏହି ପଦ ପାଇଁ କାହାର ନାମ ଘୋଷଣା କରାଯାଏ; ତେବେ ତାହାକୁ ଗ୍ରହଣ କରାଯିବ ନାହିଁ।’ ଏହି ପରିପ୍ରେକ୍ଷୀରେ ଦଲାଇ ଲାମାଙ୍କ ସୂଚନା ଚୀନ୍ ପାଇଁ ଏକ ଗୁରୁତ୍ବପୂର୍ଣ୍ଣ ବାର୍ତ୍ତା ହୋଇଛି। ତିବ୍ଦତ ଉପରେ ଚୀନ୍ର ଆଧିପତ୍ୟ ବିସ୍ତାରକୁ ବିରୋଧ ପୂର୍ବକ ୧୯୫୯ରୁ ଭାରତରେ ରାଜନୈତିକ ଆଶ୍ରୟ ନେଇଥିବା ୮୩ବର୍ଷୀୟ ଚତୁର୍ଦଶ ଦଲାଇ ଲାମା କହିଛନ୍ତି ଯେ ‘ଚୀନ୍ ନିଜସ୍ବ ଦଲାଇ ଲାମା ଘୋଷଣା କରିବାର ସମସ୍ତ ସମ୍ଭାବନା ରହିଛି; ଯଦି ଏଭଳି କରାଯାଏ; ତେବେ ତାହାକୁ ତିବ୍ଦତୀୟମାନେ ଗ୍ରହଣ କରିବେ ନାହିଁ। ତିବ୍ଦତୀୟଙ୍କୁ ଦମନ କରିବା ପାଇଁ ଚୀନ୍ ଅଯଥା ବିଭ୍ରାନ୍ତି ସୃଷ୍ଟି କରିବାକୁ ଚାହୁଁଛି’ ବୋଲି ସେ କହିଛନ୍ତି। ଦଲାଇ ଲାମାଙ୍କ ମୃତ୍ୟୁ ପରେ ତାଙ୍କ ଆତ୍ମା ଉତ୍ତରାଧିକାରୀଙ୍କ ଶରୀରରେ ପ୍ରବେଶ କରିବ ଓ ସେ ତାଙ୍କର ଅବତର ଭାବେ ପୂଜିତ ହେବେ ବୋଲି ତିବ୍ଦତୀୟଙ୍କର ପରମ୍ପରା ରହିଛି। ଦଲାଇ ଲାମା ଜଣେ ଦୁଇ ବର୍ଷର ବାଳକଙ୍କ ଅବତାର ବୋଲି କୁହାଯାଏ
