ନୂଆଦିଲ୍ଲୀ : ସମାଜବାଦୀ ପାର୍ଟି (ଏସପି), ବହୁଜନ ସମାଜ ପାର୍ଟି (ବିଏସପି) ଓ ରାଷ୍ଟ୍ରୀୟ ଲୋକ ଦଳ (ଆରଏଲଡି) ପାଇଁ କଂଗ୍ରେସ ଉତ୍ତରପ୍ରଦେଶରେ ୭ଟି ଆସନ ଛାଡିବା ନେଇଥିବା ନିଷ୍ପତ୍ତିକୁ ଅଖିଳେଶ ଯାଦବ ଓ ମାୟାବତୀ ପ୍ରତ୍ୟାଖ୍ୟାନ କରିଛନ୍ତି। ସୋମବାର ଏସପି ମୁଖ୍ୟ ଅଖିଳେଶ ଓ ବିଏସପି ମୁଖ୍ୟ ମାୟାବତୀ କହିଛନ୍ତି ଯେ ସେମାନଙ୍କ ମେଣ୍ଟ ବହୁତ ଶକ୍ତ ଓ ସେମାନେ ବିଜେପିକୁ ଏକାକୀ ପରାସ୍ତ କରିବାକୁ ସମର୍ଥ। ବିଜେପିକୁ ପରାସ୍ତ ପାଇଁ ସେମାନଙ୍କୁ କଂଗ୍ରେସର ସମର୍ଥନ ଆବଶ୍ୟକ ନାହିଁ ବୋଲି ସେମାନେ କହିଛନ୍ତି। ରବିବାର କଂଗ୍ରେସ ଘୋଷଣା କରିଥିଲା ଯେ ଉତ୍ତରପ୍ରଦେଶର ୮୦ଟି ଲୋକସଭା ଆସନରୁ ୭ଟି ଆସନ ଏସପି-ବିଏସପି-ଆରଏଲଡି ମେଣ୍ଟ ପାଇଁ ଛାଡି ଅବଶିଷ୍ଟ ଆସନରେ ପ୍ରାର୍ଥୀ ଦେବ। ମୈନପୁରୀ, କନୌଜ ସହିତ ମାୟାବତୀ, ଆରଏଲଡି ମୁଖ୍ୟ ଅଜିତ ସିଂହ ଓ ଜୟନ୍ତ ଚୌଧୁରୀ ଯେଉଁଠାରେ ପ୍ରାର୍ଥୀ ହେବେ ସେଠାରେ କଂଗ୍ରେସ ନିଜର ପ୍ରାର୍ଥୀ ଦେବ ନାହିଁ ବୋଲି ଘୋଷଣା କରିଥିଲା। ରାଜ୍ୟ ପ୍ରଦେଶ କଂଗ୍ରେସ ମୁଖ୍ୟ ରାଜ ବବର ଏହି ପ୍ରସ୍ତାବକୁ ସୋମବାର ଏସପି-ବିଏସପି ମିଳିତ ଭାବେ ପ୍ରତ୍ୟାଖ୍ୟାନ କରିଛନ୍ତି। ପୂର୍ବରୁ ଏସପି-ବିଏସପି-ଆରଏଲଡି ମେଣ୍ଟ ଉତ୍ତରପ୍ରଦେଶର ରାୟବରେଲି ଓ ଆମେଥି ଆସନକୁ କଂଗ୍ରେସ ପାଇଁ ଛାଡି ଅନ୍ୟ ସମସ୍ତ ଆସନ ପାଇଁ ବୁଝାମଣା କରିସାରିଛନ୍ତି।
Popular Categories
Previous article
Next article