ମୁମ୍ବଇ : ମୁମ୍ବଇର ଛତ୍ରପତି ଶିବାଜୀ ରେଳ ଷ୍ଟେସନରେ ପାଦଚଲା ସେତୁ ଭୁଶୁଡିବା ଘଟଣାରେ ପୁଲିଓ ସୋମବାର ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ଜଣଙ୍କ ହେଉଛନ୍ତି ଯେ ଅଡିଟର। ତାଙ୍କ ନାମ ନୀରଜ ଦେଶାଇ। ସେତୁ କାମ ତାଙ୍କ ତତ୍ତ୍ବାବଧାନରେ ହୋଇଥିଲା। ମାର୍ଚ୍ଚ ୧୪ରେ ତାଙ୍କ ବିରୋଧରେ କାର୍ଯ୍ୟରେ ଅବହେଳା ନେଇ ମାମଲା ରୁଜୁ କରାଯାଇଥିଲା ବେଳେ ୧୮ ତାରିଖରେ ଗିରଫ କରାଯାଇଛି। ଏହି ଘଟଣାରେ ବ୍ରିହାନ ମୁମ୍ବଇ ମ୍ୟୁନିସିପାଲ କର୍ପୋରେସନ ଦୁଇଜଣ ଯନ୍ତ୍ରୀଙ୍କୁ କାର୍ଯ୍ୟରୁ ନିଲମ୍ବନ କରିଛି। ୧୪ ତାରିଖ ସନ୍ଧ୍ୟାରେ ରେଳ ଷ୍ଟେସନର ପାଦଚଲା ସେତୁ ଭୁଶୁଡି ୬ଜଣଙ୍କର ମୃତ୍ୟୁ ହେବା ସହ ୩୧ ଜଣ ଆହତ ହୋଇଥିଲେ।
