ଅତ୍ୟଧିକ ଥଣ୍ଡା ସ୍ଥାନ କିମ୍ବା ପର୍ବତଶୃଙ୍ଗକୁ ଯିବା ନିମନ୍ତେ ପର୍ୟ୍ୟଟକଙ୍କ ଆଗ୍ରହ ଦିନକୁଦିନ ବଢ଼ିବାରେ ଲାଗିଛି । କିଛି ବର୍ଷ ତଳେ ଆଣ୍ଟାର୍କଟିକାରେ କେବଳ ବିଶେଷଜ୍ଞ ଦଳଙ୍କ ଭିଡ଼ ଲାଗିଥିବାବେଳେ ଆଜିର ସମୟରେ ଏଠାରେ ପର୍ୟ୍ୟଟକଙ୍କ ସମାଗମ ହେଉଛି । ଇଉରୋପସ୍ଥିତ ଆଲପ୍ସ ର୍ପବତଶୃଙ୍ଗରେ ସ୍କିଙ୍ଗ ଓ ପ୍ରାକୃତିକ ମନୋରମ ଦୃଶ୍ୟ ନିମନ୍ତେ ବିଶ୍ବର ବିଭିନ୍ନ ପ୍ରାନ୍ତରୁ ପର୍ୟ୍ୟଟକଙ୍କ ଭିଡ଼ ହୋଇଥାଏ ।
ହେଲେ ପ୍ରଥମକରି ପର୍ୟ୍ୟଟକଙ୍କୁ ଭିନ୍ନ ଅନୁଭବ ଦେବା ନିମନ୍ତେ ବିଶ୍ବର ନାମକରା କାର୍ କମ୍ପାନୀ ଏଠାରେ ଏକ କାର୍ ଶୋ-ରୁମ ଉଦଘାଟନ କରିଛନ୍ତି । ଭୂମିପତ୍ତନଠାରୁ ୭୫୦୦ଫୁଟ୍ ଉପରେ ନିର୍ମିତ ଏହି କାର୍ ଶୋ-ରୁମ୍ ଏକ ଗ୍ଲୋବ୍ ପରି ଦୃଶ୍ୟମାନ ହେଉଛି ।
ବରଫ ରାସ୍ତାରେ ଯାତ୍ରୀଙ୍କୁ ଟେଷ୍ଟ ଡ୍ରାଇଭର ସୁଯୋଗ ମିଳିବା ସହ -୧୩ଡିଗ୍ରୀରେ ମଧ୍ୟ କାର୍ ଚଳାଇ ହେବ । ଏଠାରେ ପବନର ବେଗ ଘଣ୍ଟା ପ୍ରତି ୧୦୦ କିମି । କ୍ରିଷ୍ଟାଲର ଏକ ଗ୍ଲୋବରେ କାରଟିକୁ ସୁରକ୍ଷିତ ପ୍ରଦର୍ଶନ ନିମନ୍ତେ ରଖାଯାଇଛି ।
୩ ଟନ୍ ଓଜନର ଏହି ଗ୍ଲୋବକୁ ହେଲିକପ୍ଟର ସହାୟତାରେ ଆଲପ୍ସ ପର୍ବତଶୃଙ୍ଗକୁ ଅଣାଯାଇଥିଲା । କମ୍ପାନୀ ମୁଖ୍ୟଙ୍କ କହିବାନୁସାରେ ଝଡ଼, ତୋଫାନ୍ ମଧ୍ୟ ଏହି ଗ୍ଲୋବ୍ ଉପରେ କୌଣସି ପ୍ରଭାବ ପକାଇ ପାରିବ ନାହିଁ । ଏପ୍ରିଲ୍ ଶେଷ ପର୍ୟ୍ୟନ୍ତ ଏହି ଅସ୍ଥାୟୀ କାର୍ ଶୋରୁମ୍ ଖୋଲା ରହିବାର ଯୋଜନା ରହିଛି ।
