କାମାକ୍ଷାନଗର: କାମାକ୍ଷାନଗର ସହର ସନ୍ନିକଟ ଜିରୀଡମାଳି ଛକଠାରେ ଶୁକ୍ରବାର ବିଳମ୍ବିତ ରାତିରେ ଗୋରୁ ବୋଝେଇ କରି ଯାଉଥିବା ୨ ବୋଲେରୋ ଗାଡ଼ିକୁ ଜବତ କରାଯାଇ ସେଥିରୁ ୧୨ ଗାଈଙ୍କୁ ଉଦ୍ଧାର କରାଯାଇଛି। ଯାଜପୁର ଦିଗରୁ ଦୁଇଟି ବୋଲେରୋରେ ଗାଈଙ୍କୁ ଚାଲାଣ କରାଯାଉଥିବା ଖବର ପାଇ ମାରୁତି ସେନା, ବଜରଙ୍ଗ ସେନାର ସଦସ୍ୟମାନେ ସ୍ଥାନୀୟ ଯୁବକମାନଙ୍କ ସହାୟତାରେ ଜିରୀଡମାଳିଠାରେ ଗାଡ଼ିକୁ ଅଟକ ରଖିଥିଲେ। ପ୍ରତି ଗାଡ଼ିରୁ ୬ଟି ଲେଖାଏଁ ୧୨ଟି ଗାଈକୁ ଉଦ୍ଧାର କରାଯାଇଛି। ସାଧାରଣତଃ ବୋଲେରୋ ଗାଡ଼ିରେ ୬ରୁ ଅଧିକ ଲୋକ ବସି ଯାତାୟାତ କରିବା ସମ୍ଭବ ହେଉ ନ ଥିବା ବେଳେ ୬ଟି ଗୋରୁଙ୍କୁ ଅମାନୁଷିକ ଭାବେ ନିଆଯାଉଥିବା ସାଧାରଣରେ ଚର୍ଚ୍ଚାର ବିଷୟ ହୋଇଛି। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଗୋରୁ ବୋଝେଇ ବୋଲେରୋ ସହିତ ଗାଈଙ୍କୁ ଉଦ୍ଧାର କରିଛି।
Popular Categories
Previous article
Next article