ଡେସ୍କ: ପ୍ରବଳ ବର୍ଷା ଲାଗି ରହିଥିବାରୁ ରାୟଗଡ଼ାରେ ମାଟି ଅତଡ଼ା ଓ ପଥର ଖସି ରେଳ ଧାରଣା କ୍ଷତିଗ୍ରସ୍ତ ହୋଇଥିବା ସୂଚନା ମିଳିଛି। ରାୟଗଡ଼ାରୁ ଲାଡା ରେଳ ଷ୍ଟେସନ ମଧ୍ୟରେ ରେଳ ଧାରଣା ଭାଙ୍ଗିଥିବା ଜଣାପଡିବା ପରେ ରେଳବାଇର ସ୍ବତନ୍ତ୍ର ବୈଷୟିକ ଟିମ୍ ମରାମତି କାର୍ଯ୍ୟ କରୁଛନ୍ତି। ଅନ୍ୟପକ୍ଷରେ ପ୍ରବଳ ବର୍ଷା ଯୋଗୁ କୋରାପୁଟ-ରାୟଗଡ଼ା ଟ୍ରେନ୍ ଟ୍ରାକ୍ରେ ବଡ଼ ପଥର ଖଣ୍ଡ ପଡି ଡୁମୁରିପୁଟ-ଦାମନଯୋଡ଼ି ମଧ୍ୟରେ ଡାଉନ୍ ଲାଇନ୍ କ୍ଷତିଗ୍ରସ୍ତ ହୋଇଥିବା ବେଳେ ବିଶାଖାପାଟଣା-କୋରାପୁଟ ଲାଇନ୍ରେ ବିଦ୍ୟୁତ ତାର ଉପରେ ଗଛ ଉପୁଡି ପଡିବାରୁ ଟ୍ରେନ ଚଳାଚଳ ଆଂଶିକ ବାଧାପ୍ରାପ୍ତ ହୋଇଥିବା ଜଣାପଡିଛି।
ଅନ୍ୟପକ୍ଷରେ ପ୍ରବଳ ବର୍ଷା ଓ ଭୂସ୍ଖଳନ ପାଇଁ ବିଶାଖାପାଟଣା-କିରଣ୍ଡୁଲ ନାଇଟ୍ ଏକ୍ସପ୍ରେସ ଓ କିରଣ୍ଡୁଲ-ବିଶାଖାପାଟଣା ନାଇଟ୍ ଏକ୍ସପ୍ରେସ ବାତିଲ୍ କରାଯାଇଥିବା ୱାଲ୍ଟିୟର ରେଲ୍ ଡିଭିଜନ୍ ପକ୍ଷରୁ ସୂଚନା ଦିଆଯାଇଛି।
