ହନୋଇ : ୧୯୭୨ ଡିସେମ୍ବର ୧୮ରେ ଆମେରିକା ଯେଉଁଠାରେ ବୋମା ପକାଇଥିଲା ସେହି ସ୍ଥାନରେ ବୁଧବାର ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଓ ଉତ୍ତର କୋରିଆ ରାଷ୍ଟ୍ରପତି କିମ୍ ଜଙ୍ଗ ଉନ୍ଙ୍କ ମଧ୍ୟରେ ସାକ୍ଷାତ ଆଲୋଚନା ହୋଇଛି । ଏହି ସହର ହେଉଛି ହନୋଇ। ହନୋଇର ମେଟ୍ରୋପଲ ହୋଟେଲଠାରେ ଦୁଇ ନେତାଙ୍କ ମଧ୍ୟରେ ଦ୍ୱିତୀୟ ପାଳି ସାକ୍ଷାତ ଆଲୋଚନା ହୋଇଛି । ଆଲୋଚନା ପୂର୍ବରୁ ଟ୍ରମ୍ପ ଉତ୍ତର କୋରିଆର ଏକଛତ୍ରବାଦୀ ଶାସକ କିମ୍ଙ୍କୁ ନିଜର ସାଙ୍ଗ ବୋଲି ସମ୍ବୋଧନ କରିଥିଲେ । ଟ୍ରମ୍ପ କହିଥିଲେ ଯେ କିମଙ୍କ ପାଖରେ ମହାନ ହେବାର ସୁଯୋଗ ଅଛି। ଆଗରୁ ଇତିହାସରେ ଏଭଳି ହୋଇନାହିଁ। କିମ୍ ମଙ୍ଗଳବାର ଟ୍ରେନ୍ ଯୋଗେ ୪ ହଜାର କିଲୋମିଟର ଯାତ୍ରା କରି ଭିଏତନାମରେ ପହଞ୍ଚିଥିଲେ। ଏହା ପୂର୍ବରୁ ଦୁଇ ନେତାଙ୍କ ମଧ୍ୟରେ ୨୦୧୮ ଜୁନ୍ ୧୨ରେ ସିଙ୍ଗାପୁରଠାରେ ସାକ୍ଷାତ ଆଲୋଚନା ହୋଇଥିଲା।
ଏହି ଅବସରରେ ଉଭୟ ନେତା ଏକାଠି ଭୋଜନ କରିଛନ୍ତି । ଭୋଜନ ସମୟରେ ଉଭୟ ନେତାଙ୍କ ପରାମର୍ଶଦାତା ଉପସ୍ଥିତ ଥିଲେ ।
ପ୍ରକାଶଯୋଗ୍ୟ ଯେ ୪୭ ବର୍ଷ ପୂର୍ବେ ଆମେରିକା ହନୋଇ ଉପରେ ଆମେରିକାର ଦୁଇଟି ବୋମା ବର୍ଷଣକାରୀ ବୋମା ପକାଇଥିଲେ। ସେହି ସମୟରେ ହନୋଇ ଉତ୍ତର ଭିଏତନାମର ରାଜଧାନୀ ଥିଲା। ଏବେ ଦୁଇ ନେତା ସେହି ସହରରେ ଭେଟିବେ।
