ସମାଜ ଡିଜିଟାଲ ଡେସ୍କ: ଇସ୍ତଫା ଦେବାର ୪୨ ଦିନ ପରେ ସରକାରୀ ବାସଭବନ ଛାଡ଼ିଛନ୍ତି ପୂର୍ବତନ ଉପରାଷ୍ଟ୍ରପତି ଜଗଦୀପ ଧନଖଡ଼। ବର୍ତ୍ତମାନ ସେ ଦିଲ୍ଲୀର ଛତରପୁରରେ ଥିବା ଏକ ଘରୋଇ ଫାର୍ମହାଉସକୁ ସ୍ଥାନାନ୍ତର ହୋଇଛନ୍ତି। ୬ ସପ୍ତାହ ପୂର୍ବେ ମୌସୁମି ଅଧିବେସନର ପ୍ରଥମ ଦିବସରେ ସେ ଇସ୍ତଫା ଦେଇ ସମସ୍ତଙ୍କୁ ଚକ୍କିତ କରିଥିଲେ। ଇସ୍ତଫା ଦେବା ପଛର କାରଣ ସ୍ଵାସ୍ଥ୍ୟଗତ ସମସ୍ୟା ବୋଲି ସେ ଦର୍ଶାଇଥିଲେ। ବର୍ତ୍ତମାନ ସେ ଯେଉଁ ଘରୋଇ ଫାର୍ମ ହାଉସକୁ ସ୍ଥାନାନ୍ତର ହୋଇଛନ୍ତି ତାହା ଇଣ୍ଡିଆନ ନ୍ୟାସନାଲ ଲୋକଦଳର ନେତା ଅଭୟ ଚୌତାଲାଙ୍କର।
ଧନଖଡ଼ ବର୍ତ୍ତମାନ ଅଭୟଙ୍କ ଫାର୍ମହାଉସରେ ରହିବେ। ତାଙ୍କ ପାଇଁ ଟାଇପ-୩ ସରକାରୀ ବାସଭବନ ସମ୍ପୂର୍ଣ୍ଣ ରୂପେ ପ୍ରସ୍ତୁତ ନ ହେବା ଯାଏ ସେ ଏଠାରେ ରହିବେ। ଧନଖଡ଼ଙ୍କୁ ୩୪ ଏପିଜେ ଅବଦୁଲ କଲାମ ରୋଡ ବଙ୍ଗଳା ଆବଣ୍ଟିତ ହୋଇଛି।
