ଜୟପୁର: ରାଜସ୍ଥାନର ଉଦୟପୁର ଜିଲା ଅନ୍ତର୍ଗତ ଲୀଲାଭାସ୍ ଗ୍ରାମରେ ବାସ କରୁଥିବା ଜଣେ ଆଦିବାସୀ ମହିଳାଙ୍କୁ ମାତ୍ର ୫୫ ବର୍ଷ ବୟସ ହୋଇଥିବାବେଳେ ସେ ୧୭ଟି ସନ୍ତାନଙ୍କୁ ଜନ୍ମ ଦେଇଛନ୍ତି। ୧୭ ସନ୍ତାନଙ୍କ ମଧ୍ୟରୁ ବର୍ତ୍ତମାନ ୭ ପୁଅ ଓ ୫ ଝିଅ ଜୀବିତ ଅଛନ୍ତି। ରେଖା ଗାଲବେଲିଆ ନାମ୍ନୀ ଏହି ମହିଳା ଗତ ମଙ୍ଗଳବାର ଝାଡୋଲ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ୧୭ତମ ସନ୍ତାନଙ୍କୁ ଜନ୍ମ ଦେଇଛନ୍ତି। ରେଖାଙ୍କ ବୟସକୁ ଦୃଷ୍ଟିରେ ରଖି ଏତେ ସଂଖ୍ୟକ ସନ୍ତାନ ଜନ୍ମ କରିବା ଘଟଣା ଡାକ୍ତରଙ୍କୁ ବିସ୍ମିତ କରିଛି। ରେଖା ଓ ତାଙ୍କ ସ୍ବାମୀ ଅତ୍ୟନ୍ତ ଗରିବ ହୋଇଥିବାବେଳେ ପରିବାରକୁ ଦୁଇବେଳା ପେଟପୂରା ଖାଦ୍ୟ ମଧ୍ୟ ମିଳିପାରୁନାହିଁ। ପରିବାର ପୋଷିବାକୁ ପ୍ରତିମାସ ୨୦ ପ୍ରତିଶତ ସୁଧରେ ଟଙ୍କା ଋଣ କରିବାକୁ ପଡୁଛି ବୋଲି ରେଖାଙ୍କ ସ୍ବାମୀ ଗଣମାଧ୍ୟମକୁ ଜଣାଇଛନ୍ତି।
Popular Categories
Next article