କଲ୍ୟାଣସିଂହପୁର: ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକ ସଦର ବଜାରର ବିଭିନ୍ନ ଛକମାନଙ୍କରେ ବିଶେଷ କରି ସନ୍ଧ୍ୟା ସମୟରେ ବର୍ତ୍ତମାନ ଗାଈଗୋରୁର ଆଡ୍ଡାସ୍ଥଳ ପାଲଟିଛି। ସବୁବେଳେ ସନ୍ଧ୍ୟାରେ ତ୍ରିପାଠୀ ସାହି ଛକ, ଦୁର୍ଗା ମନ୍ଦିର ଛକ, ଜଗନ୍ନାଥ ମନ୍ଦିର ଛକ, ଥାନା ସମ୍ମୁଖ, କାଚରା ସାହି ନିକଟରେ, ସଦର ବଜାର ଛକରେଠାରେ ଗାଈଗୋରୁ ଜମା ହୋଇ ରହୁଥିବାରୁ ଟ୍ରାଫିକ ସମସ୍ୟା ସୃଷ୍ଟି ହେଉଛି। ଏହାଦ୍ୱାରା ଛୋଟ ବଡ଼ ଦୁର୍ଘଟଣା ହେଉଛି। ଜରୁରୀକାଳୀନ ସମୟରେ ରୋଗୀବୁହା ଗାଡି ଯିବା କଷ୍ଟକର ହୋଇପଡୁଛି। ସନ୍ଧ୍ୟା ୪ଟାରୁ ଗୋଟିଏ ଗୋଟିଏ ଗାଈ ଆସି ଛକ ସ୍ଥାନରେ ରୁଣ୍ଡ ହେଉଛନ୍ତି। ଗୋରୁ ମାଲିକମାନେ ଗାଈଗୋରୁଙ୍କୁ ନିଜ ଅଧୀନରେ ରଖୁ ନ ଥିବାରୁ ଏପରି ପରିସ୍ଥିତି ସୃଷ୍ଟି ହେଉଥିବା ଅଭିଯୋଗ ହେଉଛି। ଏଥିପ୍ରତି ସଦର ପଞ୍ଚାୟତ ଓ ବ୍ଲକ ପ୍ରଶାସନ ପକ୍ଷରୁ ତୁରନ୍ତ ପଦକ୍ଷେପ ନେବାକୁ ଦାବି ହେଉଛି। ବର୍ତ୍ତମାନ ଚାଷ ସମୟ, ଗାଈଗୋରୁକୁ ଖୋଲା ଛାଢିଲେ ଫସଲ ନଷ୍ଟ କରିଦେବେ। ଯାହାର ଗାଈଗୋରୁ ସେମାନେ ନିଜ ଘରେ ରଖିବା ଆବଶ୍ୟକ ହୋଇପଡ଼ିଛି।
Popular Categories
Previous article
Next article