କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ମାଝୀଗୁଡା ପଞ୍ଚାୟତ ସଦରରେ ସରକାରୀ ଉଚ୍ଚ ବିଦ୍ୟାଳୟରେ ଥିବା ଛାତ୍ରୀନିବାସର ଅତିରିକ୍ତ କୋଠରୀରେ ଠିକା ଶ୍ରମିକ ରହିଥିବା ଦେଖିବାକୁ ମିଳିଛି। ଉକ୍ତ ଶ୍ରମିକ ମାନେ ବିଦ୍ୟାଳୟ ପରିସରରେ ନୂତନ କୋଠା ନିର୍ମିତ କରୁଥିବାରୁ ସେମାନଙ୍କୁ ଆଶ୍ରମର ଗୃହର ଅତିରିକ୍ତ ଘରେ ରଖାଯାଇଛି। ନିକଟରେ ଅଷ୍ଟମ, ନବମ ଓ ଦଶମ ଶ୍ରେଣୀର ପ୍ରାୟ ୧୦୦ଜଣ ଛାତ୍ରୀମାନେ ରହୁଥିବା ନଜରକୁ ଆସିଛି। ବର୍ତ୍ତମାନ ରାଜ୍ୟରେ ନାରୀ ନିର୍ଯାତନା, ହତ୍ୟା, ଗର୍ଭବତୀ ଭଳି ଖବର ବାରମ୍ବାର ପ୍ରଚାର ପ୍ରସାର ହେଉଛି। ଏବିଷୟରେ ପ୍ରଧାନଶିକ୍ଷକଙ୍କୁ ପଚାରିବାରୁ କିଛି ଦିନ ମଧ୍ୟରେ ସେମାନଙ୍କୁ ବାହାର କରି ଦେବି ବୋଲି ଗଣମାଧ୍ୟମକୁ ପ୍ରକାଶ କରିଥିଲେ। କିନ୍ତୁ ଆଜକୁ ପ୍ରାୟ ୧୨ଦିନ ହେବ ସେହି ଠିକା ଶ୍ରମିକମାନଙ୍କୁ ଆଶ୍ରୟ ଦେଇଛନ୍ତି। ଉକ୍ତ ଶ୍ରମିକ ମାନେ କାର୍ଯ୍ୟ ସାରି ନିଶାସକ୍ତ ଅବସ୍ଥାରେ ରହୁଛନ୍ତି। କେତେବେଳେ କୌଣସି ଅପ୍ରୀତିକର ଘଟଣା ଘଟିଲେ କିଏ ଦାୟୀ ରହିବେ ବୋଲି ଗ୍ରାମବାସୀ ଅଭିଯୋଗ କରିଛନ୍ତି। ତୁରନ୍ତ ଏହି ଶ୍ରମିକମାନଙ୍କୁ ବାହାରେ ରଖି କାର୍ଯ୍ୟ କରାଇବା ପାଇଁ ଅଞ୍ଚଳବାସୀ ଦାବି କରିଛନ୍ତି।
Popular Categories
Previous article
Next article