କଟକ: ଚଳିତମାସ ୨୦ ହେଉଛି ଆନ୍ତର୍ଜାତିକ ଚେସ୍ ଦିବସ। ଏହା ଉପଲକ୍ଷେ ରାଜ୍ୟର ଅଗ୍ରଣୀ ଚେସ୍ ପ୍ରଶିକ୍ଷଣ କେନ୍ଦ୍ର ଏସ୍.ଆର୍. ଚେସ୍ ସେଣ୍ଟର ସହଯୋଗରେ ଓ ଡି. ୱେଟ୍ବେୱର୍ବ ଆନୁକୂଲ୍ୟରେ ୨୦ରେ ଏକ ଦିନିକିଆ ରାଜ୍ୟସ୍ତରୀୟ ସ୍କୁଲ ଚେସ୍ ପ୍ରତିଯୋଗିତା ଅନୁଷ୍ଠିତ ହେବ। ଏହା ତ୍ରିଶୂଳିଆ ଛକରେ ଥିବା ସେରିମୋନିୟମ୍ ମଣ୍ଡପରେ ଅନୁଷ୍ଠିତ ହେବ। ଏହି ପ୍ରତିଯୋଗିତାରେ ୧୦ମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀ କିମ୍ବା ୨୦୧୦ ଜାନୁଆରୀ ୧ ପରେ ଜନ୍ମ ନେଇଥିବା ଖେଳାଳି ୫୦୦ ଟଙ୍କା ପ୍ରବେଶିକା ଦେୟ ଦେଇ ଭାଗ ନେଇପାରିବେ ବୋଲି ଏସ୍.ଆର୍. ଚେସ୍ ସେଣ୍ଟରର ସଭାପତି ଶୁଭାଶିଷ ପଟ୍ଟନାୟକ ଜଣାଇଛନ୍ତି। ସମସ୍ତ ପ୍ରତିଯୋଗୀଙ୍କୁ ପ୍ରମାଣପତ୍ର ପ୍ରଦାନ କରାଯିବ। ପ୍ରଥମ ପୁରସ୍କାର ୫୦୦୦, ୨ୟ ପୁରସ୍କାର ୩୦୦୦ ଓ ୩ୟ ପୁରସ୍କାର ୨୦୦୦ ଟଙ୍କା ରଖାଯାଇଛି। ଶ୍ରେଷ୍ଠ ୧୫ ଜଣ ଖେଳାଳିଙ୍କୁ ୨୦ ହଜାର ଟଙ୍କା ଓ ୬୦ଟି ଟ୍ରଫି ପ୍ରଦାନ କରାଯିବ। ୫, ୭, ୯, ୧୧ ଓ ୧୩ ବର୍ଷରୁ କମ୍ ବର୍ଗରେ ଶ୍ରେଷ୍ଠ ୪ ଜଣ ବାଳକ ଓ ୩ ଜଣ ବାଳିକା ଖେଳାଳିଙ୍କୁ ସ୍ବତନ୍ତ୍ର ଟ୍ରଫି ପ୍ରଦାନ କରାଯିବ। ଅଧିକ ଜାଣିବା ପାଇଁ ଏସ୍.ଆର୍. ଚେସ୍ ସେଣ୍ଟରର ସମ୍ପାଦକ ସତ୍ୟରଞ୍ଜନ ପଟ୍ଟନାୟକ କିମ୍ବା ଡି. ୱେଟ୍ବେୱର୍ବର ନବୀନ କୁମାର ବର୍ମା ଓ ଆଇଫିଆ ଖାଁଙ୍କ ସହ ଯୋଗଯୋଗ କରିବାକୁ କୁହାଯାଇଛି।
ଜୁଲାଇ ୨୦ରେ ରାଜ୍ୟସ୍ତରୀୟ ସ୍କୁଲ ଚେସ୍
Popular Categories
Previous article
Next article