ନୂଆଦିଲ୍ଲୀ : ହ୍ୟୁଆଇ ଭାରତରେ ନିଜ ନୂଆ ସ୍ମାର୍ଟ ବ୍ୟାଣ୍ଡ୍ ଲଞ୍ଚ୍ କରିଦେଇଛି ଯାହାର ନାଁ ହ୍ୟୁଆଇ ବ୍ୟାଣ୍ଡ୍ ୧୦ । ଏହା ଏକ ଷ୍ଟାଇଲିସ୍ ଡିଭାଇସ ଯେଉଁଥିରେ ୧.୪୭ ଇଞ୍ଚର ଆମୋଲେଡ୍ ଡିସପ୍ଲେ ଏବଂ ଅଲଓ୍ବେଜ୍ ଅନ୍ ଡିସପ୍ଲେର ସପୋର୍ଟ ମଧ୍ୟ ମିଳିଥାଏ । ଏହି ବ୍ୟାଣ୍ଡ୍ ୟୁଜରଙ୍କ ନିଦ, ହୃଦୟ ସ୍ପନ୍ଦନ ଏବଂ ଚାପର ସ୍ତର ଭଳି ଅନେକ ଜିନିଷ ଟ୍ରାକ୍ କରିପାରିବ ।
ଏହି ସ୍ମାର୍ଟବ୍ୟାଣ୍ଡର ବ୍ୟାଟେରୀ ଲାଇଫ୍ ମଧ୍ୟ ଉତ୍ତମ, ଏହାକୁ ଥରେ ଚାର୍ଜ କଲେ ଏହା ୧୪ ଦିନ ଚାଲିପାରିବ । ଏହାର ପଲିମର କେସ୍ ବ୍ଲାକ୍ ଓ ପିଙ୍କ୍ ୨ଟି ରଙ୍ଗରେ ଆସିଥାଏ । ତେବେ ଆଲୁମିନିୟମ୍ କେସ୍ ବ୍ଲୁ, ଗ୍ରୀନ୍, ମ୍ୟାଟ୍ ବ୍ଲାକ୍ , ପର୍ପଲ ଏବଂ ଧଳା ରଙ୍ଗର ବିକଳ୍ପ ସହିତ ମିଳିଥାଏ । ପଲିମର କେସ୍ ଭାରିଆଣ୍ଟର ଦାମ୍ ୬୪୯୯ ଟଙ୍କା ହୋଇଥିବାବେଳେ ଆଲୁମିନିୟମ୍ ମଡେଲର ଦାମ୍ ୬,୯୯୯ ଟଙ୍କା ରହିଛି । କମ୍ପାନୀ ଏଥିରେ ରିହାତି ମଧ୍ୟ ଦେଉଛି ଯାହା ୧୦ ଜୁନ୍ ପର୍ଯ୍ୟନ୍ତ ଚାଲିବ । ଏହି ସମୟରେ ଗ୍ରାହକ ପଲିମର ଭର୍ସନକୁ ୩୬୯୯ ଟଙ୍କା ଏବଂ ଆଲୁମିନିୟମ୍ ଭର୍ସନକୁ ୪୧୯୯ ଟଙ୍କାରେ କ୍ରୟ କରିପାରିବେ ।
