ନୂଆଦିଲ୍ଲୀ : ଗତ ଗୁରୁବାର ପୁଲୱାମା ଆତଙ୍କବାଦୀ ଆକ୍ରମଣରେ ପ୍ରାଣ ହରାଇଥିବା ୪୦ଜଣ ଯବାନ୍ଙ୍କ ପିଲାମାନଙ୍କ ପାଠପଢ଼ା ଖର୍ଚ୍ଚ ବହନ କରିବାକୁ ପ୍ରସ୍ତାବ ଦେଇଛନ୍ତି ପୂର୍ବତନ ଭାରତୀୟ କ୍ରିକେଟର୍ ବୀରେନ୍ଦ୍ର ସେହ୍ବାଗ।
ନିଜ ଟ୍ବିଟର୍ ଆକାଉଣ୍ଟରେ ବାର୍ତ୍ତା ଦେଇ ସେହ୍ବାଗ ଦର୍ଶାଇଛନ୍ତି ଆତଙ୍କବାଦୀ ଆକ୍ରମଣରେ ସହିଦ ଯବାନଙ୍କ ପରିବାର ପ୍ରତି ତାଙ୍କର ସମବେଦନା ରହିଛି। ଜଣେ ନାଗରିକ ଭାେବ ତାଙ୍କ ଦ୍ବାରା ପରିଚାଳିତ ସେହ୍ବାଗ ଅନ୍ତର୍ଜାତୀୟ ବିଦ୍ୟାଳୟରେ ସହିଦଙ୍କ ପିଲାମାନଙ୍କୁ ରଖି ପାଠ ପଢ଼ାଇବାକୁ ଆଗ୍ରହୀ ଅଛନ୍ତି। ଆତଙ୍କବାଦୀଙ୍କ କାପୁରୁଷତାପୂର୍ଣ୍ଣ କାର୍ଯ୍ୟକୁ ସେ ନିନ୍ଦା କରୁଛନ୍ତି। ସେହିପରି ହରିୟାଣା ପୁଲିସରେ କାର୍ଯ୍ୟରତ ତାରକା ବକ୍ସର ବିଜେନ୍ଦ୍ର ସିଂ ସହିଦଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିବା ସହ ଏକମାସର ଦରମା ଦାନ କରିଛନ୍ତି। ଏପରି ଦୁଃଖଦ ସମୟରେ ସହିଦଙ୍କ ପରିବାର ସହ ସମଗ୍ର ଦେଶ ଛିଡ଼ା ହେବାକୁ ବିଜେନ୍ଦ୍ର ମତ ଦେଇଛନ୍ତି।
ସହିଦ ଯବାନଙ୍କ ପିଲାଙ୍କ ପଢ଼ା ଖର୍ଚ୍ଚ ବହନ କରିବାକୁ ସେହ୍ବାଗଙ୍କ ପ୍ରସ୍ତାବ
Popular Categories
Previous article
Next article