ଡେସ୍କ: ରାଜ୍ୟରେ ଥିବା ଉଚ୍ଚ ମାଧ୍ୟମିକ ବିଦ୍ୟାଳୟ (+୨) ଶ୍ରେଣୀରେ ନାମଲେଖା ନିମନ୍ତେ ଆବେଦନ ଲାଗି ବିଜ୍ଞପ୍ତି ପ୍ରକାଶ ପାଇଛି। ଏଥିଲାଗି ଆସନ୍ତାକାଲି ଅର୍ଥାତ ମେ’ ମାସ ୨୪ ତାରିଖରୁ ଆବେଦନ ଆରମ୍ଭ ହେବ। ଆସନ୍ତା ଜୁନ ମାସ ୩୦ ତାରିଖ ପର୍ଯ୍ୟନ୍ତ ଆବେଦନ ସମୟସୀମା ରହିଛି। ଛାତ୍ରଛାତ୍ରୀମାନେ କେବଳ ଅନଲାଇନ ମାଧ୍ୟମରେ ସାମସ ପୋର୍ଟାଲରେ ଆବେଦନ କରିପାରିବେ। ଯୁକ୍ତ ଦୁଇ କଳା, ବିଜ୍ଞାନ, ବାଣିଜ୍ୟ, ଧନ୍ଦାମୂଳକ ଓ ଉପଶାସ୍ତ୍ରୀ ଶ୍ରେଣୀରେ ନାମଲେଖା ପାଇଁ କରିହେବ ଆବେଦନ।
୨୪.୦୫.୨୫: www.samsodisha.gov.inରେ ଅପରାହ୍ନ ୨ଟାରୁ ଆବେଦନ ଆରମ୍ଭ
୩୦.୦୬.୨୦୨୫: ରାତି ୧୧.୪୫ ମିନିଟ ପର୍ଯ୍ୟନ୍ତ ଅନଲାଇନରେ ହେବ ଆବେଦନ
୦୭.୦୭.୨୦୨୫: ପ୍ରଥମ ପର୍ଯ୍ୟାୟ ମେଧା ତାଲିକା ପ୍ରକାଶନ
୦୮.୦୭.୨୦୨୫ରୁ -୧୪.୦୭.୨୦୨୫: ନିର୍ଦ୍ଧାରିତ ଉଚ୍ଚ ମାଧ୍ୟମିକ ବିଦ୍ୟାଳୟରେ ଚୟନିତ ଛାତ୍ରଛାତ୍ରୀଙ୍କ ନାମଲେଖା
୨୧.୦୭.୨୦୨୫: ଦ୍ଵିତୀୟ ପର୍ଯ୍ୟାୟ ମେଧା ତାଲିକା ପ୍ରକାଶନ
୩୦.୦୭.୨୦୨୫: ସ୍ପଟ ନାମଲେଖା
ରାଜ୍ୟରେ ମୋଟ ୨ ହଜାର ୩୭୫ଟି ଉଚ୍ଚ ବିଦ୍ୟାଳୟରେ ୫ ଲକ୍ଷ ୬୦ ହଜାର ୧୫୮ଟି ଆସନ ରହିଛି। ଯୁକ୍ତ ଦୁଇ କଳାରେ ୩ ଲକ୍ଷ ୧୭ ହଜାର ୧୮୮ଟି, ବିଜ୍ଞାନରେ ୧ ଲକ୍ଷ ୭୭ ହଜାର ୩୨୫ଟି, ବାଣିଜ୍ୟରେ ୪୧ ହଜାର ୬୨୬ଟି, ଉପଶାସ୍ତ୍ରୀରେ ୧୩ ହଜାର ୪୪୦ଟି ଓ ଧନ୍ଦାମୂଳକ ଶିକ୍ଷାରେ ୧୦ ହଜାର ୫୮୮ଟି ଆସନ ରହିଛି। ଆସନ୍ତା ଜୁଲାଇ ୨୪ରୁ ଯୁକ୍ତ ଦୁଇ ପାଠପଢା ଆରମ୍ଭ ହେବ।
