ନୂଆଦିଲ୍ଲୀ : ଯଦି ଆପଣ କମ୍ ଦାମରେ ଏକ ଇଲେକ୍ଟ୍ରିକ୍ ସ୍କୁଟର କିଣିବାକୁ ଚାହୁଁଛନ୍ତି ତେବେ Odysse ଆପଣଙ୍କ ପାଇଁ ଏକ ଉତ୍ତମ ବିକଳ୍ପ ନେଇଆସିଛି । ଏହାର ନୂଆ ଇ-ସ୍କୁଟର HyFy ମାତ୍ର ୪୨ ହଜାର ଟଙ୍କାରେ ବଜାରକୁ ଆସିଯାଇଛି । ହାଇଫାଇ ଖାସ୍ କରି ସହରରେ ପ୍ରତିଦିନ ଯାତ୍ରା କରୁଥିବା ଲୋକଙ୍କୁ ନଜରରେ ରଖି ପ୍ରସ୍ତୁତ କରାଯାଇଛି । ଏହାର ସର୍ବାଧିକ ସ୍ପିଡ ଘଣ୍ଟାପ୍ରତି ୨୫ କିଲୋମିଟର । ଅର୍ଥାତ୍ ଏଥିରେ ଆରଟିଓ ଚିନ୍ତାରୁ ମୁକ୍ତି ମିଳିବ । ଏହାକୁ ଥରେ ଚାର୍ଜ କଲେ ୭୦ରୁ ୯୦ କିଲୋମିଟର ପର୍ଯ୍ୟନ୍ତ ଯାତ୍ରା କରିହେବ ।
ଏଥିରେ ୨୫୦ ଓ୍ବାଟର ମୋଟର ପାଓ୍ବର ଦିଆଯାଇଛି । ୪୮ ଭୋଲ୍ଟ ବା ୬୦ ଭୋଲ୍ଟର ବ୍ୟାଟେରୀ ପ୍ୟାକ୍ ଏଥିରେ ମିଳିବ । ୪ ଘଣ୍ଟାରୁ ୮ ଘଣ୍ଟା ମଧ୍ୟରେ ଏହା ଫୁଲ୍ ଚାର୍ଜ ହୋଇପାରିବ । ଏଥିରେ କି-ଲେସ୍ ଷ୍ଟାର୍ଟ ଓ ଷ୍ଟପ୍ ବଟନ ମିଳେ । ସ୍କୁଟରରେ ସିଟି ରାଇଡ୍, ରିଭର୍ସ ଓ ପାର୍କିଂ ଭଳି ମୋଡ୍ ମିଳିଥାଏ । ଏପରିକି ଏଥିରେ କ୍ରୁଜ୍ କଣ୍ଟ୍ରୋଲ ସୁବିଧା ମଧ୍ୟ ଦିଆଯାଇଛି । ଏହା ବ୍ୟତୀତ ଏଲଇଡି ଡିଜିଟାଲ ମିଟର ଦିଆଯାଇଛି ଯେଉଁଠି ସମସ୍ତ ସୂଚନା ମିଳିଥାଏ ।
ଏହାକୁ ବ୍ଲୁ, ସିଲଭର, ବ୍ଲାକ୍, ରେଡ୍ ଓ ଗ୍ରୀନ କଲରରେ କିଣିପାରିବେ ଗ୍ରାହକ । ଆସନ୍ତାକାଲି ଅର୍ଥାତ୍ ମେ ୧୦ରୁ ଏହାର ବିକ୍ରି ଆରମ୍ଭ ହେବ । ଗ୍ରାହକ ଡିଲରସିପ ନେଟଓ୍ବର୍କ ଏବଂ ଇ-କମର୍ସ ପ୍ଲାଟଫର୍ମରୁ ଏହାକୁ ବୁକ୍ କରିପାରିବେ ।
