ନୂଆଦିଲ୍ଲୀ : ଟ୍ରାଏମ୍ଫ ମୋଟରସାଇକେଲ ଭାରତୀୟ ବଜାର ପାଇଁ ନିଜ ସ୍କ୍ରାମ୍ବଲର ୪୦୦ଏକ୍ସ ମୋଟରସାଇକେଲରେ ନୂଆ ରଙ୍ଗ ଯୋଡିଛି । ଏବେ ଏହି ବାଇକକୁ ଗ୍ରାହକ ନୂଆ ଲାଭା ରେଡ୍ ସାଟିନ୍ କଲରରେ ମଧ୍ୟ କ୍ରୟ କରିପାରିବେ । ଏହା ନୂଆ ପେଣ୍ଟ ସ୍କିମ୍ ବର୍ତ୍ତମାନର ଭଲକାନିକ୍ ରେଡ୍/ ଫାଣ୍ଟମ୍ ବ୍ଲାକ ଶେଡରୁ ବହୁତ ଅଲଗା । ଏଥିରେ ସାଟିନ୍ ଫିନିଶ୍ ମିଳେ । ଲାଭା ରେଡ୍ କଲର ମୋଟରସାଇକେଲର ପେଟ୍ରୋଲ ଟ୍ୟାଙ୍କରେ ହିଁ ଦେଖିବାକୁ ମିଳେ ।
ଏହି ନୂଆ ରଙ୍ଗ ଅତି ଭାଇବ୍ରାଣ୍ଟ ନଜର ଆସିବା ସହ ଏଥିରେ ପ୍ରିମିୟମ୍ ଫିନିଶ୍ ଦିଆଯାଇଛି । ଟ୍ରାଏମ୍ଫ ସ୍କ୍ରାମ୍ବଲର ୪୦୦ ଏକ୍ସର ଦାମରେ ସାମାନ୍ୟ ବୃଦ୍ଧି ମଧ୍ୟ କରିଛି । ଏହାର ଏକ୍ସ ଶୋରୁମ୍ ଦାମ୍ ୨.୬୭ ଲକ୍ଷ ଟଙ୍କା ରଖିଛି କମ୍ପାନୀ । ଅର୍ଥାତ୍ ନିଜ ରେଗୁଲାର ମଡେଲ ତୁଳନାରେ ଏହାର ଦାମ୍ ୭୫୮ ଟଙ୍କା ବଢିଛି । ପୂର୍ବ ଭଳି ଏଥିରେ ୩୯୮ ସିସିର ଲିକ୍ବିଡ୍-କୁଲ୍ଡ ମୋଟର ମିଳିବ ଯେଉଁଥିରେ ୬ ସ୍ପିଡ୍ ଗିୟରବକ୍ସ ରହିଛି । ଏହା ୪୦ ବିଏଚପିର ପାଓ୍ବର ଓ ପ୍ରାୟ ୩୭.୫ ଏନଏମର ପିକ୍ ଟର୍କ ଉତ୍ପନ କରେ । ଏହା ଉଭୟ ସିଟି ଓ ହାଇଓ୍ବେରେ ଉତ୍ତମ ପ୍ରଦର୍ଶନ କରିଥାଏ ।
