ନୂଆଦିଲ୍ଲୀ : ସଡ଼କ ଦୁର୍ଘଟଣାରେ ଭାରତୀୟ କ୍ରିକେଟର୍ ସୁରେଶ ରୈନା ଗୁରୁତର ହୋଇଥିବା ନେଇ କେତେକ ଅନ୍ଲାଇନ୍ ପୋର୍ଟାଲ୍ରେ ଖବର ପ୍ରଚାରିତ ହୋଇଛି। ତେବେ ଏହି ଖବର ସଂପୂର୍ଣ୍ଣ ମିଥ୍ୟା ଏବଂ ସେ ସଂପୂର୍ଣ୍ଣ ସୁସ୍ଥ ଥିବା ରୈନା ଟ୍ବିଟର୍ ମାଧ୍ୟମରେ ସୂଚନା ଦେଇଛନ୍ତି। ଏଥିସହ ଅପପ୍ରଚାରକାରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବାକୁ ରୈନା ଦାବି କରିଛନ୍ତି।
କେତେକ ଅନ୍ଲାଇନ୍ ପୋର୍ଟଲ୍ରେ ପ୍ରଚାରିତ ଖବର ଅନୁଯାୟୀ କାର୍ ଦୁର୍ଘଟଣାରେ ସୁରେଶ ରୈନା ଗୁରୁତର ଭାବେ ଆଘାତପ୍ରାପ୍ତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ତେବେ ଏଭଳି ମିଥ୍ୟା ଖବର କିଏ ଏବଂ କ’ଣ ଉଦ୍ଦେଶ୍ୟ ରଖି ପ୍ରଚାରିତ କରୁଛି ତାହା ତାଙ୍କୁ ଚକିତ କରିଥିବା ରୈନା ଦର୍ଶାଇଛନ୍ତି। କେବଳ ରୈନା, ନୁହନ୍ତି ଗତବର୍ଷ ନ୍ୟୁଜିଲାଣ୍ଡର ଅଲରାଉଣ୍ଡର ନାଥାନ୍ ମ୍ୟାକକଲମ୍ ପ୍ରାଣ ହରାଇଥିବା କେତେକ ଗଣମାଧ୍ୟମରେ ପ୍ରଚାରିତ ହୋଇଥିଲା। ଏହି ଖବରକୁ ବିଶ୍ବାସ କରି ନାଥାନ୍ଙ୍କ ଭାଇ ତୁରନ୍ତ ଘରକୁ ଫେରି ଘଟଣାଟି ମିଥ୍ୟା ବୋଲି ଜାଣିବାକୁ ପାଇଥିଲେ। ସେତେବେଳେ ଏହି ଖବର ବେଶ୍ ଚର୍ଚ୍ଚାର ବିଷୟ ପାଲଟିଥିଲା।
ଅପପ୍ରଚାରକାରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ପାଇଁ ରୈନାଙ୍କ ଦାବି
Popular Categories
Previous article
Next article