ଉଦୟପୁର: ରାଜସ୍ଥାନର ଏକ ସରକାରୀ ସ୍କୁଲରେ ବାର୍ଷିକ ପରୀକ୍ଷା ଚାଲିଥିବାବେଳେ ଜଣେ ପରୀକ୍ଷାର୍ଥୀଙ୍କୁ କୁକୁଡା କାଟିବାକୁ ନିର୍ଦେଶ ଦେଇଥିବା ଅଭିଯୋଗରେ ସ୍କୁଲର ଜଣେ ଶିକ୍ଷକଙ୍କୁ ନିଲମ୍ବନ କରାଯାଇଛି। ମୋହନଲାଲ ଡୋଡା ନାମକ ଏହି ଶିକ୍ଷକ ଜଣେ ଛାତ୍ରଙ୍କୁ ପରୀକ୍ଷା ଅଧାରେ କୁକୁଡା କାଟି ଏହାର ଛାଲ ପରିଷ୍କାର କରିବାକୁ ନିର୍ଦେଶ ଦେଇଥିଲେ। କୁକୁଡା ମାଂସ ଘରକୁ ନେବା ଲକ୍ଷ୍ୟରେ ଶିକ୍ଷକ ଏଭଳି ଘୃଣ୍ୟ କାର୍ଯ୍ୟ କରିଥିବା କୁହାଯାଇଛି। ଅନ୍ୟ ପରୀକ୍ଷାର୍ଥୀଙ୍କ ଅଭିଯୋଗକୁ ଆଧାର କରି ଶିକ୍ଷା ମନ୍ତ୍ରୀ ବାବୁଲାଲ ଖରାରିଙ୍କ କାନରେ ଏକଥା ପଡିଥିଲା। ସଂପୃକ୍ତ ଶିକ୍ଷକଙ୍କୁ ନିଲମ୍ବନ କରି ତଦନ୍ତ ଚଳାଇବାକୁ ମନ୍ତ୍ରୀ ସ୍ଥାନୀୟ ଏସଡିଓଙ୍କୁ ନିର୍ଦେଶ ଦେଇଛନ୍ତି। ସୂଚନାଯୋଗ୍ୟ ମୋହନଲାଲ ପ୍ରାୟ ମାସକ ପୂର୍ବେ ସ୍କୁଲରେ ନିଯୁକ୍ତ ରୋଷେୟାକୁ ବିଦା କରିଥିବାରୁ ଛାତ୍ରଙ୍କୁ ମଧ୍ୟାହ୍ନ ଭୋଜନ ମିଳୁନଥିବା ଅଭିଯୋଗ ହୋଇଛି।
Popular Categories
Previous article
Next article