ନୂଆଦିଲ୍ଲୀ: ପହଲଗାଓଁ ଆତଙ୍କବାଦୀ ଆକ୍ରମଣ ଘଟଣାରେ ସମ୍ବେଦନଶୀଳ, ବିଭ୍ରାନ୍ତିକର ଏବଂ ଭାରତ ବିରୋଧୀ ସମ୍ବାଦ ପରିବେଷଣ କରୁଥିବା ଅଭିଯୋଗରେ ଭାରତ ସରକାରଙ୍କ ପକ୍ଷରୁ ପାକିସ୍ତାନର ୧୬ଟି ୟୁଟ୍ୟୁବ୍ ଚ୍ୟାନେଲକୁ ନିଷିଦ୍ଧ କରାଯାଇଛି। କେନ୍ଦ୍ର ସ୍ବରାଷ୍ଟ୍ର ମନ୍ତ୍ରଣାଳୟର ସୁପାରିସକୁ ଆଧାର କରି ଏଭଳି ପଦକ୍ଷେପ ଗ୍ରହଣ କରାଯାଇଥିବା କୁହାଯାଇଛି। ଏହି ଚ୍ୟାନେଲଗୁଡିକ ମଧ୍ୟରେ ଡନ୍, ସମା ଟିଭି, ଏଆରୱାଇ ନ୍ୟୁଜ୍, ରଫ୍ତାର, ଜିଓ ନ୍ୟୁଜ୍, ସୁନୋ ନ୍ୟୁଜ୍, ରାଜିନାମା, ବୋଲ୍ ନ୍ୟୁଜ୍ ଇତ୍ୟାଦି ଅନ୍ତର୍ଭୁକ୍ତ। ଏହି ଚ୍ୟାନେଲଗୁଡିକର ପ୍ରାୟ ୬.୩ କୋଟି ଦର୍ଶକ ଥିବା ଜଣାପଡିଛି। ଏଥିସହିତ ବ୍ରିଟେନ୍ର ବିବିସି ଚ୍ୟାନେଲକୁ ମଧ୍ୟ ଚେତାବନୀ ଦିଆଯାଇଛି। ପହଲଗାଓଁ ଆକ୍ରମଣରେ ଆତଙ୍କବାଦୀଙ୍କୁ ବିବିସି ବନ୍ଧୁକଧାରୀ ଦର୍ଶାଇଥିବାରୁ ଏହାକୁ ଭାରତ ଗୁରୁତର ସହ ଗ୍ରହଣ କରିଛି। ଏହାବ୍ୟତୀତ ପାକ୍ ସରକାର ଭାରତୀୟଙ୍କ ଭିସା ଖାରଜ କରିଥିବା ନିର୍ଦେଶକୁ ବିବିସି ଏକତରଫା ଭାବେ ପ୍ରସାରଣ କରିଥିବାରୁ ସରକାର କ୍ଷୁବ୍ଧ ହୋଇଛନ୍ତି।
Popular Categories
Previous article
Next article