ନୂଆଦିଲ୍ଲୀ : ସୋସିଆଲ ମିଡିଆରେ ଭାଇରାଲ୍ ହେବା ପାଇଁ ଅନେକ ସମୟରେ ଯୁବକ ହୁଅନ୍ତୁ ଅଥବା ଯୁବତୀ ନିଜ ଜୀବନକୁ ବିପଦରେ ପକାଇ ଭିଡିଓ କରୁଥିବା ଘଟଣା ସାମ୍ନାକୁ ଆସିଥାଏ । ନିକଟରେ ଏଭଳି ହିଁ ଏକ ଭିଡିଓ ଦ୍ରୁତ ଗତିରେ ଭାଇରାଲ୍ ହେବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି । ଜଣେ ଯୁବକ ରିଲ୍ସ ନିଶାରେ ରେଳ ଧାରଣାରେ ଶୋଇ ଭିଡିଓ କରୁଥିଲେ।
Reel addiction has now crossed every limit 🥲
— Bihar_se_hai (@Bihar_se_hai) April 7, 2025
ଭାଇରାଲ୍ ହେଉଥିବା ଏହି ଭିଡିଓରେ ଦେଖିପାରିବେ, ଯୁବକ ଜଣକ ନିଜ ଫୋନ୍ର କ୍ୟାମେରା ଅନ୍ କରି ରେଳ ଧାରଣାରେ ଶୋଇ ରେକଡିଙ୍ଗ୍ ଆରମ୍ଭ କରିଛନ୍ତି। କିଛି ସମୟରେ ସାମ୍ନାରୁ ଦ୍ରୁତ ଗତିରେ ଟ୍ରେନ୍ ଆସୁଛି। ତାଙ୍କ ଉପର ଦେଇ ଟ୍ରେନ୍ ମଧ୍ୟ ପଳାଉଛି। ମାତ୍ର ଆଶ୍ଚର୍ଯ୍ୟଜନକ ଓ ସୌଭାଗ୍ୟବଶତଃ ଯୁବକ ଜଣକ ସୁରକ୍ଷିତ ଥିବା ଦେଖାଯାଉଛି।
୫୦ ବର୍ଷ ପରେ ମାଲବ୍ୟ ରାଜଯୋଗ : ଏହି ରାଶି ହେବେ ଭାଗ୍ୟଶାଳୀ, ହଠାତ୍ ହେବେ ଧନୀ, ମିଳିବ ଚାକିରି, କିଣିବେ ଗାଡି..
ଟ୍ରେନ୍ ଯିବା ପରେ ଯୁବକ ଉଠି ନିଜ ଫୋନ୍ ଆଡକୁ ଦେଖୁଛନ୍ତି। ଲୋକେ ଭିଡିଓ ଦେଖିବା ପରେ କ୍ରୋଧ ପ୍ରକାଶ କରିବା ସହ ନିଜର ଭିନ୍ନ ଭିନ୍ନ ମତ ଦେଇଛନ୍ତି। ରେଲୱେ ପ୍ରଶାସନ ଓ ପୁଲିସ ଏଭଳି ଭିଡିଓ ନକରିବା ପାଇଁ ବାରମ୍ବାର ତାଗିଦ୍ କରିବା ପରେ ମଧ୍ୟ ରିଲ୍ସ ନିଶାରେ ଏଭଳି କରୁଥିବା ଘଟଣା ବାରମ୍ବାର ସାମ୍ନାକୁ ଆସୁଛି।
