ମାଲକାନଗିରି : ମାଲକାନଗିରିରେ ମର୍ମନ୍ତୁଦ ସଡକ ଦୁର୍ଘଟଣାରେ ଜଣେ ମାଟ୍ରିକ ପରୀକ୍ଷାର୍ଥୀ ପ୍ରାଣ ହରାଇଥିବା ବେଳେ ଅନ୍ୟ ଜଣେ ଛାତ୍ର ଆହତ ହୋଇଛନ୍ତି। ପଦ୍ମଗିରି ଉଚ୍ଚ ବିଦ୍ୟାଳୟର ଦଶମ ଶ୍ରେଣୀ ଛାତ୍ର ବିକ୍ରମ ସର୍ଦାର ଓ ତାଙ୍କ ଭାଇ ନିଜ ଗାଁ ଏମଭି ୧୦୧ରୁ ଏକ ବାଇକ ଯୋଗେ ପାଣ୍ଡ୍ରିପାଣି ପରୀକ୍ଷା କେନ୍ଦ୍ରକୁ ଯାଉଥିଲେ। ହେଲେ ଚନ୍ଦନଗୁଡା ନିକଟରେ ଏକ ପିକଅପ୍ ଭ୍ୟାନ ବିପରୀତ ଦିଗରୁ ଆସୁଥିବା ବେଳେ ବାଇକ୍ ସହ ଧକ୍କା ହୋଇଥିଲା। ଘଟଣାସ୍ଥଳରେ ବିକ୍ରମ ପ୍ରାଣ ହରାଇଥିବା ବେଳେ ତାଙ୍କ ସାନ ଭାଇକୁ ଆହତ ଅବସ୍ଥାରେ ପାଣ୍ଡ୍ରିପାଣି ପ୍ରାଥମିକ ଚିକିତ୍ସାଳୟରେ ଭର୍ତ୍ତି କରାଯାଇଛି। ଘଟଣାସ୍ଥଳରେ ମାଲକାନଗିରି ଆଦର୍ଶ ଥାନା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି। ପରୀକ୍ଷା କେନ୍ଦ୍ରକୁ ଯିବା ଲାଗି ବିଦ୍ୟାଳୟ ତରଫରୁ ବସ ବ୍ୟବସ୍ଥା ରହିଥିବା ବେଳେ ଏହି ଛାତ୍ର ଦୁଇ ଜଣ ପ୍ରତିଦିନ ବାଇକରେ ପରୀକ୍ଷା ଦେବାକୁ ଯାଉଥିଲେ।
ଦେଖନ୍ତୁ ଛାତିଥରା ଭିଡିଓ ; ହଠାତ୍ ଜୋତା ଭିତରେ ପଶିଗଲା ବିରାଟକାୟ ନାଗ, ଆଉ ତା’ପରେ..
Comments are closed.