ଚଣ୍ଡିଗଡ : ହରିୟାଣା ରୋହତକ ଜିଲାରେ ଜଣେ ମହିଳା କଂଗ୍ରେସ କର୍ମୀଙ୍କୁ ହତ୍ୟା କରାଯାଇଛି। ହତ୍ୟାର ଶିକାର କର୍ମୀ ହେଉଛନ୍ତି ହିମାନି ନରୱାଲ । ହିମାନିଙ୍କ ମୃତଦେହ ବସ୍ଷ୍ଟାଣ୍ଡ ନିକଟରେ ପଡିଥିବା ଏକ ସୁଟ୍କେସ ମଧ୍ୟରୁ ଉଦ୍ଧାର କରାଯାଇଛି। ବସ୍ଷ୍ଟାଣ୍ଡ ନିକଟରେ ପରିତ୍ୟକ୍ତ ଅବସ୍ଥାରେ ପଡିଥିବା ଏକ ସୁଟକେସକୁ ଦେଖି ବାଟୋଇମାନେ ପୁଲିସକୁ ଖବର ଦେଇଥିଲେ। ପୁଲିସ ମୃତଦେହ ଉଦ୍ଧାର କରିବା ସହିତ ତଦନ୍ତ ଚଳାଇଥିବା ସାମ୍ପଲା ଥାନା ଇନ୍ସପେକ୍ଟର ବିଜେନ୍ଦ୍ର ସିଂହ କହିଛନ୍ତି। ତେବେ ହିମାନିଙ୍କ ହତ୍ୟା ପଛରେ କଂଗ୍ରେସ ଦଳର ନେତା ସମ୍ପୃକ୍ତ ଥିବା ତାଙ୍କ ମା’ ସବିତା ନରୱାଲ କହିଛନ୍ତି। କାରଣ ହିମାନିଙ୍କ ରାଜନୈତିକ ଉତ୍ଥାନକୁ କଂଗ୍ରେସର ଅନ୍ୟ ନେତାମାନେ ସହ୍ୟ କରିପାରି ନଥିଲେ। ହିମାନିଙ୍କ ଯୋଗୁଁ ସେମାନଙ୍କ ରାଜନୈତିକ କ୍ୟାରିୟର ବିପଦରେ ଥିବା କେତେକ ନେତା ଅନୁଭବ କରିଥିଲେ। ହିମାନି କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ ଭାରତ ଯୋଡୋ ଯାତ୍ରାରେ ସାମିଲ ହୋଇ ଚର୍ଚ୍ଚାକୁ ଆସିଥିଲେ। ହିମାନିଙ୍କ ମୃତ୍ୟୁ ପାଇଁ କଂଗ୍ରେସ ଶୋକ ବ୍ୟକ୍ତ କରିଛି। ଦଳ ଏହାର ସୋସିଆଲ ମିଡିଆ ପୋଷ୍ଟରେ ଲେଖିଛି ଯେ ହରିୟାଣାର ରୋହତକରେ କଂଗ୍ରେସ କର୍ମୀଙ୍କୁ ନିର୍ମମ ହତ୍ୟା କରାଯିବା ଘଟଣା ଅତ୍ୟନ୍ତ ଦୁଃଖଦାୟକ। ଦିବଂଗତ ଆତ୍ମାର ଶାନ୍ତି କାମନା କରିବା ସହିତ ତାଙ୍କ ପରିବାରକୁ ଏହି ଦୁଃଖ ସହ୍ୟ କରିବା ଲାଗି ଭଗବାନ ଶକ୍ତି ଦିଅନ୍ତୁ। ପରିବାରର ଏପରି ଦୁଃଖ ସମୟରେ ଆମେ (କଂଗ୍ରେସ ଦଳ) ତାଙ୍କ ସହିତ ରହିଛୁ। ଏହି ହତ୍ୟାର ନିରପେକ୍ଷ ତଦନ୍ତ ହେବା ଉଚିତ୍। ହତ୍ୟାକାରୀଙ୍କୁ କଠୋର ଦଣ୍ଡ ଦିଆଯିବା ଉଚିତ୍।
Popular Categories
Previous article
Next article