ରାଇକିଆ: ଆଜି ପବିତ୍ର ମହାଶିବରାତ୍ରୀ ‘ଜାଗର’ । ଏଥି ପାଇଁ କନ୍ଧମାଳ ଜିଲ୍ଲା ରାଇକିଆ ସ୍ଥିତ ବିଶ୍ୱେଶର ଶୈବ ପୀଠ ରେ ଭକ୍ତଙ୍କ ଚଳଚଞ୍ଚଳ ଲାଗି ରହିଛି। ସକାଳୁ ଶ୍ରଦ୍ଧାଳୁଙ୍କ ଭିଡ଼ ଲାଗିବା ସହିତ ମହାଦେବଙ୍କୁ ଦର୍ଶନ କରୁଛନ୍ତି। ରାତ୍ରିରେ ମହାଦୀପ ପ୍ରଜ୍ବଳନ ଏବଂ ମାନସିକ, ଉପବାସ ବ୍ରତ ରଖି ଥିବା ଶ୍ରଦ୍ଧାଳୁମାନେ ଜାଗର ଦୀପ ଜାଳିବା ପାଇଁ ପୂଜା କମିଟି ପକ୍ଷରୁ ସମସ୍ତ ବ୍ୟବସ୍ଥା କରାଯାଇଛି। ସନ୍ଧ୍ୟାରେ ଭଜନ ସମାରୋହର କାର୍ଯ୍ୟକ୍ରମ ମଧ୍ୟ ରହିଛି। ସେହିପରି ରାଇକିଆ ବ୍ଲକ୍ ର ଦିଗୀ ସ୍ଥିତ ପ୍ରାଚୀନ ଶୈବପୀଠ ବାଲୁଙ୍କେଶ୍ୱର ମନ୍ଦିର ଏବଂ ବୀର ଛକ ଶିବ ମନ୍ଦିରରେ ମଧ୍ୟ ପ୍ରବଳ ସମାଗମ ସତ୍ତ୍ୱେ ଶ୍ରଦ୍ଧାଳୁମାନେ ଉତ୍କଣ୍ଠାର ସହ ଦର୍ଶନ କରୁଛନ୍ତି। ଏଥି ପାଇଁ ସ୍ଥାନୀୟ ପରିଚାଳନା କମିଟିମାନଙ୍କ ତରଫରୁ ମଧ୍ୟ ଶୃଙ୍ଖଳିତ ଦର୍ଶନ ପାଇଁ ବ୍ୟାପକ ବ୍ୟବସ୍ଥା କରାଯାଇଛି ।
ଦେଖନ୍ତୁ ଭିଡିଓ; ଚର୍ଚ୍ଚାରେ ହାତୀର ହେୟାର ଷ୍ଟାଇଲ୍, ଯୁବତୀଙ୍କୁ ବି ପକାଇଲା ପଛରେ
- Advertisement -
