ଇମ୍ଫାଲ : ପୁରସ୍କାର ଫେରାଇବା ଅଭିଯାନ ପୁଣି ଥରେ ଆରମ୍ଭ ହୋଇଛି। ତେବେ ଚଳିତ ଥର ଅସହିଷ୍ଣୁତା ପ୍ରସଙ୍ଗକୁ ନେଇ ନୁହେଁ ବରଂ ନାଗରିକତା ସଂଶୋଧନ ବିଧେୟକ ବିରୋଧରେ ପୁରସ୍କାର ଫେରାଇବା ଅଭିଯାନ ଆରମ୍ଭ ହୋଇଛି। ପ୍ରସିଦ୍ଧ ଚଳଚ୍ଚିତ୍ର ନିର୍ମାତା ଅରିବାମ ଶ୍ୟାମ ଶର୍ମା ନାଗରିକତା ସଂଶୋଧନ ବିଲ-୨୦୧୬କୁ ବିରୋଧ କରି ରବିବାର ନିଜ ପଦ୍ମଶ୍ରୀ ପୁରସ୍କାର ଫେରାଇ ଦେବାର ଘୋଷଣା କରିଛନ୍ତି। ମଣିପୁରୀ ଚଳଚ୍ଚିତ୍ର ନିର୍ମାତା ଅରିବାମଙ୍କୁ ୨୦୧୬ରେ ଏହି ପୁରସ୍କାର ମିଳିଥିଲା। ୮୩ ବର୍ଷ ବୟସ୍କ ଚଳଚ୍ଚିତ୍ର ନିର୍ମାତା ଏବଂ ଗୀତିକାର ଅରିବାମଙ୍କ ଚଳଚ୍ଚିତ୍ର ଅନେକ ଜାତୀୟ ଚଳଚ୍ଚିତ୍ର ପୁରସ୍କାର ଜିତିଛନ୍ତି। ଅରିବାମ ଇଶାନୌ, ସଂଗାଇ- ଦ ଡାନ୍ସର ଡିୟର, ଇମଗୀ ନିଗନ୍ଥମ ଭଳି ଚଳଚ୍ଚିତ୍ର ନିର୍ମାଣ କରିଛନ୍ତି।
ପ୍ରକାଶଯୋଗ୍ୟ ଯେ ପୁରସ୍କାର ଫେରାଇବାର ଏହି ଅଭିଯାନ ୨୧୫ ଅଗଷ୍ଟ ୩୦ରେ ଆରମ୍ଭ ହୋଇଥିଲା। ସେତେବେଳେ ପ୍ରାୟ ୪୦ କଳାକାର ଏବଂ ଲେଖକ ନିଜ ପୁରସ୍କାର ଫେରାଇ ଦେଇଥିଲେ।
ପଦ୍ମଶ୍ରୀ ପୁରସ୍କାର ଫେରାଇଲେ ପ୍ରସିଦ୍ଧ ଚଳଚ୍ଚିତ୍ର ନିର୍ମାତା ଅବିରାମ
Popular Categories
Previous article
Next article