ଗୋପାଳପୁର: ଗୋଳନ୍ଥରା ଥାନା ଅଧୀନସ୍ଥ ଛେଳିଆ ଗାଁରେ ନିଖୋଜ ଥିବା ଜଣେ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି। ମୃତ୍ୟୁ ଯୁବକ ଛେଳିଆ ଗାଁର ସଞ୍ଜୟ ମହାନ୍ତି ବୋଲି ଜଣାପଡିଛି । ସୂଚନା ଅନୁସାରେ ଛେଳିଆ ଗାଁର ସଞ୍ଜୟ ମହାନ୍ତି ନାମକ ଜଣେ ବ୍ୟକ୍ତି ରୁଣ ଗ୍ରସ୍ତ ହେବା ସହ କୋଣସି କଥାକୁ ନେଇ ଦୀର୍ଘ ଦିନ ଧରି ଚିନ୍ତା ଗ୍ରସ୍ତ ରହୁଥିଲେ। ଗତ ମଙ୍ଗଳବାର ସଞ୍ଜୟ କୌଣସି କାମ ନେଇ ତୁଳୁ ଗାଁକୁ ଯାଇଥିଲେ। ହେଲେ ସନ୍ଧ୍ୟା ସୁଦ୍ଧା ଘରକୁ ଫେରିନଥିଲେ। ପରିବାର ଲୋକ ଆଖ ପାଖ ଅଞ୍ଚଳରେ ବହୁ ଖୋଜା ଖୋଜି କରିଥିଲେ ମଧ୍ୟ୍ୟ ସଞ୍ଜୟ ଙ୍କର କୌଣସି ପତ୍ତା ପାଇନଥିଲେ। ବୁଧବାର ପରିବାର ଲୋକ ଗୋଳନ୍ଥରା ଥାନାରେ ସଞ୍ଜୟ ଙ୍କ ନିଖୋଜ ନେଇ ଲିଖିତ ଅଭିଯୋଗ କରିଥିଲେ। ପୁଲିସ୍ ଏକ ମାମଲା ରୁଜ୍ଜୁ କରି ତଦନ୍ତ ଜାରି ରଖିଥିଲା। ସୋମବାର ଓଡିଆରପି କଲୋନୀ ନିକଟରେ ଥିବା ଏକ କାଜୁ ତୋଟାରୁ ଝୁଲନ୍ତା ଅବସ୍ଥାରେ ସଞ୍ଜୟ ଙ୍କ ମୃତ୍ୟୁଦେହ ଉଦ୍ଧାର ହୋଇଛି।
Popular Categories
Previous article
Next article