ଯାତ୍ରାପାର୍ଟି ଟ୍ରକ ଓଲଟି ୭ ଗୁରୁତର

ସମାଜ ଡିଜିଟାଲ ଡେସ୍କ: ଢେଙ୍କାନାଳ ଜିଲା ମଠକରଗୋଳା ନିକଟରେ ସୋମବାର ଏକ ଯାତ୍ରାପାର୍ଟି ଟ୍ରକ ଓଲଟି ପଡ଼ିବାରୁ ୭ ଜଣ ଗୁରୁତର ଆହତ ହୋଇଛନ୍ତି। ସେମାନଙ୍କୁ ଉଦ୍ଧାର କରାଯାଇ ନିକଟ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ଏକ ଯାତ୍ରାପାର୍ଟିର ଏହି ଟ୍ରକଟି କାମାକ୍ଷାନଗରରୁ ଷଡ଼ଙ୍ଗୀ ଅଞ୍ଚଳକୁ ଯାଉଥିଲା। ମଠକରଗୋଳା ନିକଟରେ ଟ୍ରକଟି ଭାରସାମ୍ୟ ହରାଇ ଓଲଟି ପଡ଼ିଥିଲା। ଫଳରେ ଟ୍ରକରେ ଥିବା ୭ ଜଣ ଆହତ ହୋଇଥିଲେ। ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରିବା ସହିତ ପୁଲିସକୁ ଖବର ଦେଇଥିଲେ।