ଭୃସଙ୍ଗ ପତ୍ରକୁ ଖାଦ୍ୟରେ ବ୍ୟବହାର କରିବା ଦ୍ବାରା ତାର ସ୍ବାଦ ବଢିଥାଏ। ଏହି ପତ୍ର କେବଳ ଖାଦ୍ୟ ନୁହେଁ ସ୍ବାସ୍ଥ୍ୟ ପାଇଁ ମଧ୍ୟ ଖୁବ ଲାଭଦାୟକ ଅଟେ। ଏହା ସ୍ବାସ୍ଥ୍ୟ ସହ ସୌନ୍ଦର୍ଯ୍ୟ ବୃଦ୍ଧି ପାଇଁ ମଧ୍ୟ ଖୁବ ଲାଭଦାୟକ ଅଟେ। ଆସନ୍ତୁ ଜାଣିବା ଭୃସଙ୍ଗ ପତ୍ରର ବ୍ୟବହାର ବିଷୟରେ ..
ମଧୁମେହ ରୋଗୀଙ୍କ ପାଇଁ ଲାଭଦାୟକ :
ଭୃସଙ୍ଗ ପତ୍ର ମଧୁମେହ ରୋଗୀଙ୍କ ପାଇଁ ଖୁବ ଲାଭଦାୟକ ଅଟେ। ଏହାର ସେବନ ଦ୍ବାରା ମଧୁମେହ ରୋଗୀଙ୍କ ଶରୀରରେ ଶର୍କରା ନିୟନ୍ତ୍ରିତ ହୋଇ ରହିଥାଏ। ତେଣୁ ଭୃସଙ୍ଗ ପତ୍ରକୁ ଶୁଖାଇ ତାକୁ କୁଟି ପାଉଡର ପ୍ରସ୍ତୁତ କରନ୍ତୁ। ସକାଳେ ଓ ସନ୍ଧ୍ୟାରେ ନିୟମିତ ରୂପେ ୩-୪ଗ୍ରାମର ପାଉଡର ସେବନ କରନ୍ତୁ। ଏପରି କରିବା ଦ୍ବାରା ମଧୁମେହ ରୋଗ କମ ହୋଇଥାଏ।
ଏନିମିଆ ରୋଗର ପ୍ରଭାବ କମ କରିଥାଏ :
ଭୃସଙ୍ଗ ପତ୍ରରେ ଭରପୂର ମାତ୍ରାରେ ଆଇରନ ଓ ଫଲିକ ଏସିଡ ରହିଛି। ଆଇରନ ଶରୀର ପାଇଁ ଏକ ମୁଖ୍ୟ ପୋଷକ ତତ୍ତ୍ବ ଅଟେ। ଫଲିକ ଏସିଡ ଏହାକୁ ଅବଶୋଷଣ କରିବାରେ ସହାୟକ ହୋଇଥାଏ। ଏହା ଏନିମିଆ ରୋଗରୁ ରକ୍ଷା କରିବାରେ ସହାୟକ ହୋଇଥାଏ।
ବୃକକ ପାଇଁ ଲାଭଦାୟକ :
କୌଣସି କାରଣରୁ ଯଦି ଆପଣଙ୍କ ବୃକକରେ ସମସ୍ୟା ଦେଖା ଦେଉଥାଏ ତେବେ ଭୃସଙ୍ଗ ପତ୍ର ଖାଇବା ଲାଭଦାୟକ ହୋଇଥାଏ। ଭୃସଙ୍ଗ ପତ୍ରରେ ଥିବା ଭିଟାମିନ-ଏ ଓ ସି ବୃକକକୁ ସୁସ୍ଥ ରଖିବାରେ ସାହାର୍ଯ୍ୟ କରିଥାଏ।
