ନୂଆଦିଲ୍ଲୀ : ଆପଣ ମଧ୍ୟ ମାଇକ୍ରୋସଫ୍ଟ ଅଫିସ ୩୬୫ ବ୍ୟବହାର କରୁଛନ୍ତି କି ? ଯଦି ହଁ, ତେବେ ଆପଣଙ୍କୁ ବଡ ଝଟକା ଲାଗିପାରେ । କମ୍ପାନୀ ଘୋଷଣା କରିଛି କି ଓ୍ବିଣ୍ଡୋଜ୍ ୧୦ ବ୍ୟବହାରକାରୀଙ୍କୁ ମାଇକ୍ରୋସଫ୍ଟ ଅଫିସ ୩୬୫ ଆପର ସପୋର୍ଟ ବନ୍ଦ କରିଦିଆଯିବ ।
କମ୍ପାନୀର କହିବାନୁସାରେ ଅକ୍ଟୋବର ୧୪ ପରେ ମାଇକ୍ରୋସଫ୍ଟ ଅଫିସ୍ ୩୬୫ ଓ୍ବିଣ୍ଡୋଜ୍ ୧୦ରେ ସପୋର୍ଟ କରିବନି । ଯଦି ଆପଣ ମାଇକ୍ରୋସଫ୍ଟ ଅଫିସ୍ ୩୬୫ ବ୍ୟବହାର କରିବାକୁ ଚାହୁଁଛନ୍ତି ତେବେ ଆପଣଙ୍କୁ ନିଜ ସିଷ୍ଟମକୁ ଓ୍ବିଣ୍ଡୋଜ୍ ୧୧ରେ ଅପଡେଟ୍ କରିବାକୁ ପଡିବ ।
ମାଇକ୍ରୋସଫ୍ଟର କହିବାନୁସାରେ ଓ୍ବିଣ୍ଡୋଜ୍ ୧୦ ବ୍ୟବହାରକାରୀ ୧୪ ଅକ୍ଟୋବର ୨୦୨୫ରୁ ମାଇକ୍ରୋସଫ୍ଟ ୩୬୫ ଆପ୍ସର ବ୍ୟବହାର କରିପାରିବେନି । ଏହା ବ୍ୟତୀତ ଓ୍ବିଣ୍ଡୋଜ୍ ୭, ୮ ଓ ୮.୧ ବ୍ୟବହାରକାରୀ ମଧ୍ୟ ଏହାକୁ ବ୍ୟବହାର କରିବାରେ ସମର୍ଥ ହେବେନି । ଯଦି ମାଇକ୍ରୋସଫ୍ଟ ଅଫିସ ୩୬୫ ବ୍ୟବହାର କରିବାକୁ ଚାହିଁବେ ତେବେ ୟୁଜରଙ୍କୁ ସିଷ୍ଟମ ଅପଡେଟ୍ କରିବାକୁ ହେବ ।
ତେବେ କମ୍ପାନୀ କହିବାନୁସାରେ ୟୁଜର୍ସ ଏହାକୁ ଅକ୍ଟୋବର ୧୪ ପର୍ଯ୍ୟନ୍ତ ବ୍ୟବହାର କରିପାରିବେ । ଯେଉଁମାନେ ବି ପାୟରେଟେଡ୍ ଓ୍ବିଣ୍ଡୋଜ୍ ବ୍ୟବାର କରୁଛନ୍ତି ସେମାନେ ଓ୍ବିଣ୍ଡୋଜ୍ ୧୧କୁ ଅପଡେଟ୍ କରିପାରିବେନି । ଯେଉଁମାନେ ଓରିଜିନାଲ୍ ଓ୍ବିଣ୍ଡୋଜ୍ ୧୦ ବ୍ୟବହାର କରୁଛନ୍ତି ସେମାନେ ସହଜରେ ଓ୍ବିଣ୍ଡୋଜ୍ ୧୧କୁ ମାଗଣାରେ ଅପଡେଟ୍ କରିପାରିବେ ।
