ନୂଆଦିଲ୍ଲୀ: ଦିଲ୍ଲୀ ବିଧାନସଭା ନିର୍ବାଚନ ପରିପ୍ରେକ୍ଷୀରେ ବିଜେପି ନେତା ରମେଶ ବିଧୁରୀ ପୁଣି ଥରେ ବିବାଦୀୟ ମନ୍ତବ୍ୟ ଦେଇଛନ୍ତି। ରମେଶ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପ୍ ନେତ୍ରୀ ଆତିଶୀ ସିଂହଙ୍କ ସମ୍ପର୍କରେ ଦେଇଥିବା ମନ୍ତବ୍ୟ ବିବାଦ ସୃଷ୍ଟି କରିଛି। ବୁଧବାର ରମେଶ କହିଛନ୍ତି ଯେ ଆତିଶୀ ଏକ ହରିଣୀ ଭଳି ଦିଲ୍ଲୀରେ ଘୂରି ବୁଲୁଛନ୍ତି। ଦିଲ୍ଲୀ କାଲକାଜିରୁ ପ୍ରାର୍ଥୀ ହୋଇଥିବା ରମେଶ ଏକ ନିର୍ବାଚନ ସଭାରେ କହିଛନ୍ତି ଯେ ‘ଦିଲ୍ଲୀବାସୀ ନର୍କ ଯନ୍ତ୍ରଣା ଭୋଗୁଛନ୍ତି। ଗଳିକନ୍ଦିର ଅବସ୍ଥା ଦେଖିଲେ ଏହା ଜଣାପଡିବ। ଆତିଶୀ ଏହି ଲୋକଙ୍କୁ ଭେଟିବାକୁ କେବେ ଯାଇ ନାହାନ୍ତି। ଏବେ ନିର୍ବାଚନ ସମୟ ଆସିଥିବାରୁ ଜଙ୍ଗଲରେ ହରିଣ ବୁଲିବା ଭଳି ଆତିଶୀ ଦିଲ୍ଲୀର ଗଳିକନ୍ଦିରେ ଘୂରି ବୁଲୁଛନ୍ତି। ଏହା ପୂର୍ବରୁ ଜାନୁଆରୀ ୬ରେ ଆତିଶୀଙ୍କ ସମ୍ପର୍କରେ ରମେଶ ଆପତ୍ତିଜନକ ମନ୍ତବ୍ୟ ଦେଇଥିଲେ। ରମେଶ କହିଥିଲେ ଯେ ଆତିଶୀ ତାଙ୍କ ସାଙ୍ଗିଆ ମର୍ଲେନାରୁ ସିଂହ ପରିବର୍ତ୍ତନ କରିଛନ୍ତି। ଏପରି କରି ଆତିଶୀ ତାଙ୍କ ବାପାକୁ ପରିବର୍ତ୍ତନ କରିଛନ୍ତି। କାଲକାଜି ଆସନରେ ରମେଶଙ୍କ ବିରୋଧରେ ଆପ୍ରୁ ଆତିଶୀ ପ୍ରାର୍ଥୀ ହୋଇଛନ୍ତି। ଏହି ଆସନରେ କଂଗ୍ରେସରୁ ଅଳକା ଲାମ୍ବା ମଧ୍ୟ ପ୍ରାର୍ଥୀ ହୋଇଛନ୍ତି।
Popular Categories
Previous article
Next article