ମୁମ୍ବଇ: ନିର୍ମାତା-ନିର୍ଦ୍ଦେଶକ ରୋହିତ ଶେଟ୍ଟୀ ନିଜର ସୁପରହିଟ୍ ଚଳଚ୍ଚିତ୍ର ‘ସିମ୍ବା’ର ବିପୁଳ ପରିମାଣର ଆୟରୁ କିଛି ଅଂଶ ମୁମ୍ବଇ ପୁଲିସକୁ ଦାନ କରିଛନ୍ତି। ନିକଟରେ ମୁମ୍ବଇ ପୁଲିସର କାର୍ଯ୍ୟକ୍ରମ ‘ଉମଙ୍ଗ-୨୦୧୯’ ରେ ରୋହିତ ‘ସିମ୍ବା’ର ସମ୍ପୂର୍ଣ୍ଣ ଟିମ୍ ସହ ପହଞ୍ଚଥିଲେ। ଏହି କାର୍ଯ୍ୟକ୍ରମ ଅବସରରେ ସେ ୫୧ଲକ୍ଷ ଟଙ୍କା ମୁମ୍ବଇ ପୁଲିସକୁ ଦେଇଛନ୍ତି। ରୋହିତ ଚେକ୍ ପ୍ରଦାନ କରୁଥିବାର ଫଟୋ ସାମାଜିକ ଗଣମାଧ୍ୟମରେ ଦେଖିବାକୁ ମିଳିଛି। ଫଟୋରେ ରୋହିତଙ୍କ ବ୍ୟତୀତ ଅଜୟ ଦେବଗନ, ଅକ୍ଷୟ କୁମାର ଓ ରଣବୀର ସିଂହଙ୍କୁ ମଧ୍ୟ ଦେଖିବାକୁ ମିଳିଛି।
ଉଲ୍ଲେଖଯୋଗ୍ୟ, ‘ସିମ୍ବା’ର ଆୟ ବର୍ତ୍ତମାନ ସୁଦ୍ଧା ୨୫୦କୋଟି ନିକଟବର୍ତ୍ତୀ ହୋଇଛି। ଏହା ରୋହିତଙ୍କର ଅଷ୍ଟମ ସୁପରହିଟ୍ ଚଳଚ୍ଚିତ୍ର। ଚଳଚ୍ଚିତ୍ରରେ ରଣବୀର ସିଂହ ଓ ସାରା ଅଲୀ ଖାନ ନାୟକ-ନାୟିକା ଭାବେ ଅଭିନୟ କରିଛନ୍ତି।
