କଲ୍ୟାଣସିଂହପୁର: ରାୟଗଡା ଜିଲା କଲ୍ୟାଣସିଂହପୁର ବ୍ଲକ ପୋଲମା ପଞ୍ଚାୟତରେ ଅଙ୍ଗନବାଡି ଗୃହର ଶେଷ ବିଲ କରିଦେବା ନାମରେ କନିଷ୍ଠ ଯନ୍ତ୍ରୀ ଲାଞ୍ଚ ନେଇ ଥିବା ଥାନାରେ ଲିଖିତ ଅଭିଯୋଗ । ପୋଲମା ଆଦିବାସୀ ସାହିରେ ଅଙ୍ଗନୱାଡି ଘରେ ପାଣି ଟାଙ୍କି ବସାଇବା ସହ ଘରେ ପାଇପ ଲାଇନ ସଂଯୋଗ ପାଇଁ ୧ ଲକ୍ଷ ୪୧ହଜାର ଟଙ୍କା ରଘୁ ଉଲାକକୁ ବ୍ଲକ କନିଷ୍ଠ ଯନ୍ତ୍ରୀ ପ୍ରଭାତ କୁମାର ସାହୁ ଦେଇଥିଲେ।ଉକ୍ତ ଗ୍ରାମର ପେଣ୍ଟନା ଗୁଣ୍ଠକୁ ୨୫/୮/୨୦୨୪ ମସିହାରେ ୩ ଲକ୍ଷ ଟଙ୍କାର କାର୍ଯ୍ୟଦେଶ ଦେଇଥିଲେ ।
ଦଶହରା ପୂର୍ବରୁ ଦୁହିଁଙ୍କ ବିଲ କରିଦେବି ବୋଲି କନିଷ୍ଠ ଯନ୍ତ୍ରୀ କହିଥିଲେ। ବ୍ଲକ ଫଣ୍ଡରୁ ୧୦ହଜାର ଓ ଲେଟିନ ପାଇଁ ୨୪ ହଜାର ଟଙ୍କା ରହିଛି ଓ ସବୁ ବିଲ ଏକା ସାଙ୍ଗରେ କରିଦେବି ବୋଲି ପ୍ରକାଶ କରିଥିଲେ । ଏସବୁ ବାବଦକୁ ୩୨ ହଜାର ଟଙ୍କା ଏବଂ ଗ୍ରାମର ଅଳିଆ କୁଣ୍ଡ ଘରର ସମ୍ପୂର୍ଣ୍ଣ ବିଲ ବାବଦକୁ ୫୫ହଜାର ଟଙ୍କା ମୋଟ ୮୭ ହଜାର ଟଙ୍କା କନିଷ୍ଠ ଯନ୍ତ୍ରୀ ନେଇଥିବା ଅଭିଯୋଗ ହୋଇଛି । ଧାର କରଜ କରି ରଘୁ ଉଲାକା ୩୨ହଜାର ଟଙ୍କା ଓ ପେଣ୍ଟନା ଗୁଣ୍ଠ ୫୫ହଜାର ଟଙ୍କା ଦେଇଥିବା ଏତଲାରେ ଦର୍ଶାଇଛନ୍ତି ।
ଚଳିତ ମାସ ୧୦ତାରିଖରେ ପୋଲମା ରାସ୍ତା ଦେଇ କନିଷ୍ଠ ଯନ୍ତ୍ରୀ ପ୍ରଭାତ କୁମାର ସାହୁ ଆସୁଥିବା ବେଳେ ଦୁଇ ଜଣ ଅଟକାଇ କୁଲିମାନଙ୍କୁ ପଇସା ଦେବାର ଅଛି ବିଲ କରିଦିଅନ୍ତୁ ବୋଲି କହିଥିଲେ। ସେମାନଙ୍କୁ କନିଷ୍ଠ ଯନ୍ତ୍ରୀ ଅଶ୍ଳୀଳ ଭାଷାରେ ଗାଳି ଗୁଲଜ କରି ବିଲ କରିବି ନାହିଁ ବୋଲି କହିଥିଲେ । ଆମେ କେଉଁଠୁ ପଇସା ଆଣି କୁଲିମାନଙ୍କୁ ସେମାନଙ୍କ ମଜୁରୀ ଦେବୁ ବୋଲି ଥାନାରେ ଦାଖଲ ଏତଲାରେ ଦର୍ଶାଇଛନ୍ତି।
ଏହାକୁ ନେଇ ବିଡ଼ିଓ ଓ ସହକରି ଯନ୍ତ୍ରୀଙ୍କୁ ଅବଗତ କରାଇ ସଠିକ ତଦନ୍ତ ସହ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଥାନା ଅଧିକାରୀ ପ୍ରକାଶ କରିଛନ୍ତି। ଅଭିଯୋଗକାରୀ ଦ୍ୱୟ ,କନିଷ୍ଠ ଯନ୍ତ୍ରୀ ଓ ସହକାରୀଯନ୍ତି ସବ୍ୟସାଚୀ ନାୟକ ଉପସ୍ଥିତିରେ ସୋମବାର ବିଡ଼ିଓଙ୍କ ଉପସ୍ଥିତିରେ ଏହି ସମସ୍ୟାର ସମାଧାନ ନେଇ ଆଲୋଚନା କରାଯିବ ବୋଲି ସହକାରୀ ଯନ୍ତ୍ରୀ କହିଛନ୍ତି । ମୋ ବିରୁଦ୍ଧରେ ଏହା ମିଥ୍ୟା ଅଭିଯୋଗ ହୋଇଛି ଏବଂ ରାଜନୈତିକ ପ୍ରଣଦିତ ବୋଲି କନିଷ୍ଠ ଯନ୍ତ୍ରୀ ପ୍ରଭାତ କୁମାର ସାହୁ କହିଛନ୍ତି । ବିଡ଼ିଓଙ୍କ ଉପସ୍ଥିତିରେଏହି ସମସ୍ୟାର ସମାଧାନ କରାଯିବ ବୋଲି ପ୍ରକାଶ କରିଛନ୍ତି ।
Comments are closed.