କଲ୍ୟାଣସିଂହପୁର: ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ସୁନାଖଣ୍ଡି ପଞ୍ଚାୟତର ରାଇଲିମା ଗ୍ରାମର ତିନି ଜଣ ହିତାଧିକାରୀ ବିଧବା ଭତ୍ତାରୁ ବଞ୍ଚିତ ରହିଛନ୍ତି। ଏନେଇ ବ୍ଲକ ସାମାଜିକ ସୁରକ୍ଷା ଅଧିକାରୀ ବିଶ୍ୱଜିତ ସିଂ ସାମନ୍ତଙ୍କ ନିକଟରେ ଲିଖିତ ଅଭିଯୋଗ କରିଛନ୍ତି ହିତାଧିକାରୀ। ରାଇଲିମା ଗ୍ରାମର ସିତମେ ହୁଈକା(୫୫) ବିଧବା ଭତ୍ତା ପାଇ ଆସୁଥିଲେ ବର୍ତ୍ତମାନ ୫ମାସ ହେବ ଭତ୍ତା ମିଳି ନ ଥିବାବେଳେ ୱାନେ ପିଡ଼ିସିକା(୫୫) ବିଧବା ଭତ୍ତା ଦୁଇ ବର୍ଷ ଓ ଆଲମେ ହୁଈକା(୬୬)ଙ୍କୁ ବର୍ଷେ ଛଅ ମାସ ହେବ ବିଧବା ଭତ୍ତା ପାଇନଥିବା ଅଭିଯୋଗ କରିଛନ୍ତି। ଏହି ଡଙ୍ଗରିଆ ମହିଳାମାନେ ଭତ୍ତା ଟଙ୍କାରେ ପରିବାର ଭରଣପୋଷଣ କରୁଥିବା କହିଛନ୍ତି। ବର୍ତ୍ତମାନ ଭତ୍ତା ଟଙ୍କା ନ ମିଳିବାରୁ ବହୁ ଦୁଃଖ କଷ୍ଟରେ ଜୀବନ କାଟୁଥିବା କହିଛନ୍ତି। ଗ୍ରାମର ତିନି ଜଣ ବିଧବା ମହିଳାଙ୍କୁ କେଉଁ କାରଣରୁ ଭତ୍ତା ମିଳୁନାହିଁ ବୋଲି କାମ କୁଲେସିକା ନାମକ ବ୍ୟକ୍ତି ସାଙ୍ଗରେ ତିନି ଜଣଙ୍କୁ ଧରି ବ୍ଲକ କାର୍ଯ୍ୟାଳୟକୁ ଆସି ଲିଖିତ ଅଭିଯୋଗ କରିଥିଲେ। ଏନେଇ ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ସନ୍ତୋଷ କୁମାର ସାହୁଙ୍କୁ ପଚାରିବାରୁ ସେ କହିଛନ୍ତି, ମୁଁ ମାସେ ହେବ ଆସିଛି, କ’ଣ ହୋଇଛି ଦେଖିବି। ଏହାକୁ ନେଇ ବ୍ଲକ ସାମାଜିକ ସୁରକ୍ଷା ଅଧିକାରୀ ବିଶ୍ୱଜିତ ସିଂହ ସାମନ୍ତ କହିଛନ୍ତି, କ’ଣ ହୋଇଛି ତଦନ୍ତ କରିବା ପରେ ଜଣାପଡ଼ିବ। ବର୍ତ୍ତମାନ ମୁଁ ନୂଆରେ ଆସିଛି। ଯଦି ସେମାନଙ୍କ ମଧୁବାବୁ ପେନସନ ଯୋଜନାରେ ବ୍ୟାଙ୍କ ଆକାଉଣ୍ଟକୁ ଟଙ୍କା ଯାଇଥିବ ଯଦି ନାହିଁ, ତାହେଲେ ଏତେଗୁଡ଼ାଏ ଟଙ୍କା ଏକାଥରକେ ଦେଇ ହେବନାହିଁ, ମାସ ମାସକୁ କିଛି କିଛି ଟଙ୍କା ଯୋଗାଇ ଦିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି। କଲ୍ୟାଣସିଂହପୁର ବ୍ଲକର କିଛି ପଞ୍ଚାୟତରେ ମଧ୍ୟ ଏହିପରି ଭତ୍ତା ମିଳିନଥିବା ଜଣାପଡ଼ିଛି।
Popular Categories
Previous article
Next article