ନୂଆଦିଲ୍ଲୀ : ଅଧିକାଂଶ ସମୟରେ ପେଟ୍ରୋଲ ପମ୍ପରେ ଆସୁଥିବା ଲୋକଙ୍କୁ ଫୋନ୍ ବ୍ୟବହାର ଠାରୁ ଆରମ୍ଭ କରି ଦିଆସିଲି ବ୍ୟବହାର କରିବାକୁ ମଧ୍ୟ ବାରଣ କରାଯାଏ । ଏହାର ମୁଖ୍ୟ କାରଣ ହେଉଛି ପେଟ୍ରୋଲ, ଡିଜେଲ ଆଦି ତୈଳ ଅତ୍ୟନ୍ତ ଜ୍ୱଳନଶୀଳ ପଦାର୍ଥ । ଯାହା ଆଖି ପିଛୁଳାକେ ନିଆଁକୁ ଧରି ନେଇଥାଏ । ଏହି କାରଣରୁୁ ହିଁ ପେଟ୍ରୋଲ ପମ୍ପରେ ଫୋନ୍ ବ୍ୟବହାର, ସିଗରେଟ୍ ଆଦି ନପିଇବାକୁ ସଚେତନ ପାଇଁ ପୋଷ୍ଟର ମଧ୍ୟ ଲଗାଯାଏ । ଏହାପରେ ମଧ୍ୟ ଲୋକେ ଏଭଳି କିଛି କରି ଥାନ୍ତି ଯାହା ସହଜରେ ବିଶ୍ୱାସ କରି ହୁଏ ନାହିଁ । ନିକଟରେ ଏଭଳି ହିଁ ଏକ ଭିଡିଓ ଦ୍ରୁତ ଗତିରେ ଭାଇରାଲ୍ ହେଉଛି । ଯାହା ସଭିଁଙ୍କ ଧ୍ୟାନକୁ ଆକର୍ଷିତ କରୁଛି । ଭିଡିଓକୁ ଦେଖି ନିଜ ଆଖିକୁ ମଧ୍ୟ ବିଶ୍ୱାସ କରିବେ ନାହିଁ ।
Pura Highway samaj Dara hua hai 💀📈 pic.twitter.com/y38sB1lWGw
— Ankit (@terakyalenadena) December 23, 2024
କିଛି ଲୋକେ ପେଟ୍ରୋଲ୍ ପମ୍ପରେ ନିଆଁ ଜଳାଇ ସେକି ହେଉଥିବା ଦେଖିପାରିବେ ।
ଭିଡିଓରେ ଦେଖିପାରିବେ କିଛି ଲୋକେ ପେଟ୍ରୋଲ୍ ପମ୍ପରେ ବସି ନିଆଁ ଲଗାଇ ରଖିଛନ୍ତି । ଏହାସହ ନିଆଁରେ ସେକି ହେଉଛନ୍ତି । ଭିଡିଓଟି କେଉଁ ସ୍ଥାନର ତାହାର ସ୍ପଷ୍ଟତା ମିଳି ନାହିଁ । ଏହି ଦୃଶ୍ୟକୁ ନିକଟରେ କେହି କ୍ୟାମେରାରେ କଏଦ କରିଛି । ଏହାପରେ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ୍ ହେଉଛି ।
ପେଟ୍ରୋଲ୍ ପମ୍ପର ମେସିନ୍ ନିଆଁ ଠାରୁ ଖୁବ୍ ନିକଟରେ ଥିବା ମଧ୍ୟ ଦେଖାଯାଉଛି । ଭିଡିଓଟି ଏକ୍ସରେ ଶେୟାର ହେବା ପରେ ଲକ୍ଷ ଲକ୍ଷ ଲୋକେ ଏହାକୁ ଦେଖି ସାରିଲେଣି। ଭିଡିଓ ଦେଖିବା ପରେ ଲୋକେ ମତ ଦେଇ କହିଛନ୍ତି, ଅମର କି ଆପଣମାନେ? ଏମିତି କାମ ପାଇଁ ପୁରଷ୍କାର ମିଳିବା ଦରକାର।
