ପାଟଣା: ପାଟଣା ବ୍ଲକ ମୁଖ୍ୟାଳୟ ଠାରେ ଥିବା ଆଦିତ୍ୟ କେୟାର ମେଡିକାଲ ହଲ ସହଯୋଗରେ ପାଟଣା ବ୍ଲକ ସଭା ଗୃହରେ ଏକ ମାଗଣା ସ୍ୱାସ୍ଥ୍ୟ ସେବା ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରେ କଟକ ବଡ ଡ଼ାକ୍ତରଖାନାର ଭେଷଜ ବିଶେଷଜ୍ଞ ଡା. ସମ୍ବିତ କୁମାର ପାଲ ଶିବିରକୁ ଉଦଘାଟନ କରି ମଧୁମେହ ଓ ଉଚ୍ଚ ରକ୍ତଚାପ ରୋଗୀମାନଙ୍କୁ ସ୍ୱାସ୍ଥ୍ୟ ପରୀକ୍ଷା କରିବା ସହ ଚିକିତ୍ସା ପରାମର୍ଶ ଦେଇଥିଲେ। ଏହି ଅବସରରେ ସାମ୍ବାଦିକ ବିଜୟ ରତ୍ନ ପତି, ଯୁଗଳ କିଶୋର ଦାଶ୍, ଦୃଗା ଚରଣ ନାଏକ, ସରଜ ମିଶ୍ର ପ୍ରମୁଖ ଉପସ୍ଥିତ ଥିଲେ। ଏହି ଶିବିରରେ ଶତାଧିକ ରୋଗୀଙ୍କୁ ଚିକିତ୍ସା ଓ ଔଷଧ ପ୍ରଦାନ କରାଯାଇଥିଲା। ଶିବିରକୁ ଆସିଥିବା ସମସ୍ତ ରୋଗୀଙ୍କୁ ବିନା ମୂଲ୍ୟରେ ରକ୍ତ ପରୀକ୍ଷା କରାଯାଇଥିଲା। ଏଥି ସହିତ ଏହିପରି ରୋଗୀ ମାନଙ୍କୁ ଆଗାମୀ ଦିନରେ ଗ୍ରାମାଞ୍ଚଳ ଗୁଡିକରେ ମାଗଣା ସ୍ୱାସ୍ଥ୍ୟ ସେବା ଯୋଗାଇ ଦେବା ସହିତ ଲୋକମାନଙ୍କୁ ରୋଗ ଠାରୁ ମୁକ୍ତି ପାଇବା ପାଇଁ ସଚେନତା ଅଧିକ ଆବଶ୍ୟକ ବୋଲି କହିଥିଲେ। ଆଦିତ୍ୟ କେୟାର ମେଡ଼ିକାଲର ମୁଖ୍ୟ ନିର୍ମଳ ମଣ୍ଡଳ କାର୍ଯ୍ୟକ୍ରମକୁ ପରିଚାଳନା କରିବା ସହିତ ସଂଯୋଜନା କରିଥିଲେ। ଆଗାମୀ ଦିନରେ ସ୍ୱାସ୍ଥ୍ୟ ସମ୍ବନ୍ଧୀୟ ମେଳା ସଚେତନତା କାର୍ଯ୍ୟକ୍ରମ କରାଯିବ ବୋଲି ସୂଚନା ଦେଇଥିଲେ।
Popular Categories
Previous article
Next article