ଝୁମ୍ପୁରା: ଚମ୍ପୁଆ ଉପଖଣ୍ଡ ବାରିଆ ଥାନା ଅନ୍ତର୍ଗତ ଭୋଦପଶି ନିକଟରେ ବାଇକ୍ ଧକ୍କାରେ ୬ ଜଣ ଆହତ ହୋଇଥିବା ଜଣାଯାଇଛି। ସ୍ଥାନୀୟ ଲୋକଙ୍କଠାରୁ ମିଳିଥିବା ସୂଚନାରୁ ଜଣାଯାଏ ଯେ ବାରିଆ ଥାନା ଅନ୍ତର୍ଗତ ବାଙ୍ଗୁରୀପଶି ଗ୍ରାମର ୩ ଜଣ ଯୁବକ ବଡପଶି ସାପ୍ତାହିକ ହାଟକୁ ପଲସର ବାଇକରେ ଆସିଥିଲେ। ହାଟରେ ନିଜର କାମ ସାରି ଘରକୁ ଫେରୁଥିଲେ । ଭୋଦପଶି ଗ୍ରାମର ସନ୍ତୋଷ ଦାସ ଙ୍କ ଦୁଇ ଝିଅ ଲିପ୍ସା ଦାସ (୧୭), କରିନା ଦାସ(୧୨) ଏବଂ ଗ୍ରାମର ଅନ୍ୟ ଜଣେ ମହିଳାଙ୍କ ସହିତ ଭୋଦପଶି ଛକ ଦୋକାନକୁ ସଉଦା ଆଣିବାକୁ ଯାଉଥିଲେ। ଏହି ସମୟରେ ବାଙ୍ଗୁରୀପଶି ଗ୍ରାମର ୩ ଜଣ ଯୁବକ ପଲସର ବାଇକରେ ଦ୍ରୁତ ବେଗରେ ଯାଇ ସେମାନଙ୍କୁ ଧକ୍କା ଦେଇଥିଲେ ଫଳରେ ପିଚୁ ରାସ୍ତା ଉପରେ କଚାଡି ହୋଇ ପଡି ଲହୁ ଲୁହାଣ ହୋଇଯାଇଥିଲେ। ଲିପ୍ସା ଓ କରିନା ମୁଣ୍ଡ ଫାଟି ଗୁରୁତ୍ବ ହୋଇଥିବା ଜଣାଯାଇଛି। ବାଇକ ଚାଳକ ମାନେ ମଧ୍ୟ ସେମାନଙ୍କୁ ଧକ୍କା ଦେବା ପରେ ଭାରସାମ୍ୟ ହରାଇ ପିଚୁ ରାସ୍ତା ଉପରେ କଚାଡି ହୋଇ ପଡିଥିଲେ ଫଳରେ ବାଇକ୍ ଚାଳକ ୩ ଜଣ ମଧ୍ୟ ଆହତ ହୋଇଛନ୍ତି। ବାଇକ ଚାଳକ ଜେ ଟି ମୁଣ୍ଡା ଗୁରୁତ୍ବ ଆହତ ହୋଇଛନ୍ତି। ସ୍ଥାନୀୟ ଲୋକଙ୍କ ସହଯୋଗ ରେ ୬ ଜଣକୁ ଏକ ଘରୋଇ ଡାକ୍ତରଖାନାକୁ ଚିକିତ୍ସା ପାଇଁ ପଠାଇଥିଲେ କିନ୍ତୁ ଅବସ୍ଥା ଗୁରୁତର ହେବାରୁ ଦୁଇଟି ଆମ୍ବୁଲାନ୍ସ ଯୋଗେ ୬ ଜଣ ଆହତଙ୍କୁ ଚମ୍ପୁଆ ଉପଖଣ୍ଡ ଚିକିତ୍ସାଳୟକୁ ଚିକିତ୍ସା ପାଇଁ ପଠାଇଥିବା ଜଣାଯାଇଛି।
Popular Categories
Previous article
Next article