ସମାଜ ଡିଜିଟାଲ ଡେସ୍କ: ଉତ୍କଳୀୟ ନୌବାଣିଜ୍ୟ ପରମ୍ପରାର ସ୍ମୃତିକୁ ଉଜାଗର କରିବା ଲକ୍ଷ୍ୟରେ ଶୁକ୍ରବାର ସୁବର୍ଣ୍ଣପୁରର ମହାନଦୀ ଲଙ୍କେଶ୍ୱରୀ ଗଣ୍ଡରେ ଏକ ରାଜ୍ୟସ୍ତରୀୟ ନୌଚାଳନା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ସୁବର୍ଣ୍ଣପୁର ସମେତ ରାଜ୍ୟର ବିଭିନ୍ନ ଜିଲ୍ଲାରୁ ୭୨ଜଣ ଯୁବ ନାବିକ ଏହି ପ୍ରତିଯୋଗିତାରେ ଭାଗ ନେଇ ନୌଚାଳନାର କଳା-କୌଶଳ ପ୍ରଦର୍ଶନ କରି ପ୍ରଥମ, ଦ୍ଵିତୀୟ ଓ ତୃତୀୟ ପୁରସ୍କାରରେ ପୁରସ୍କୃତ ହୋଇଛନ୍ତି । ମହାନଦୀର ନୀଳ ଜଳରାଶିରେ ପାରମ୍ପରିକ ହୁଲି ଡ଼ଙ୍ଗାରେ ନାବିକମାନଙ୍କ ଆହୁଲା ଚାଳନାକୁ ଦେଖିବାକୁ ନଦୀକୂଳରେ ହଜାର ହଜାର ଦର୍ଶକଙ୍କ ସମାଗମ ହୋଇଥିଲା । ଭଗବତ ପାଠାଗାର ପକ୍ଷରୁ ଆୟୋଜିତ ପୁରସ୍କାର ବିତରଣ ଉତ୍ସବରେ ବିଜେତା ଯୁବ ନାବିକଙ୍କୁ ଅତିଥିଙ୍କ ଦ୍ୱାରା ପୁରସ୍କୃତ କରାଯାଇଥିଲା।
Comments are closed.