ଭୁବନେଶ୍ଵର : ରାଜଧାନୀ ଭୁବନେଶ୍ଵରରେ ଜଣେ ମହିଳାଙ୍କର ସନ୍ଦେହଜନକ ଭାବେ ମୃତ୍ୟୁ ଘଟିଛି। ୟୁନିଟ୍-୪ ରାମପୁର ବସ୍ତିରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି। ବର୍ତ୍ତମାନ ପର୍ଯ୍ୟନ୍ତ ମୃତ୍ୟୁର କାରଣ ଜଣାପଡିନାହିଁ। ମୃତକ ସ୍ଵର୍ଣ୍ଣଲତା ମଣ୍ଡଳ ବୋଲି ଜଣାପଡିଛି। ସୂଚନା ଅନୁସାରେ ସ୍ଵର୍ଣ୍ଣଲତା ଏବଂ ତାଙ୍କ ସ୍ଵାମୀ ଗତ କିଛି ଦିନ ହେବ ରାମପୁର ବସ୍ତିରେ ଘର ଭଡା ନେଇ ରହୁଥିଲେ। ଶନିବାର ରାତିରେ ସ୍ଵର୍ଣ୍ଣଲତା ଘରେ ଶୋଇଥିଲେ। ହେଲେ ଆଜି ସକାଳୁ ତାଙ୍କର ମୃତଦେହ ମିଳିଛି। ସ୍ତ୍ରୀ ବେକରେ ଗାମୁଛା ଲଗାଇ ଆତ୍ମହତ୍ୟା କରିଥିବା ସ୍ଵାମୀ ପୁଲିସକୁ ଜଣାଇଥିବାବେଳେ ମୃତକଙ୍କ ପରିବାର ଲୋକ ହତ୍ୟା ଅଭିଯୋଗ ଆଣିଛନ୍ତି। ପରେ ଖବର ପାଇ ଖାରବେଳନଗର ଥାନା ପୁଲିସ୍ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଅଧିକ ତଦନ୍ତ ଚଳାଇଛି। ଦୁଇ ଦିନ ତଳେ କୌଣସି କଥାକୁ ନେଇ ଉଭୟଙ୍କ ମଧ୍ୟରେ ଝଗଡା ହୋଇଥିବା ପୁଲିସର ପ୍ରାଥମିକ ତଦନ୍ତରୁ ଜଣାପଡିଛି।
Popular Categories
Previous article
Next article