ଡେସ୍କ: ପ୍ରଥମ ବିଶ୍ୱ ସୁନ୍ଦରୀ ଭାବେ ଇତିହାସ ରଚିଥିବା କିକି ହାକାନସନଙ୍କର ୯୫ ବର୍ଷ ବୟସରେ ପରଲୋକ ହୋଇଛି। ୧୯୫୧ ମସିହାରେ ବିଶ୍ୱ ସୁନ୍ଦରୀ ମୁକୁଟ ପିନ୍ଧିଥିବା ହାକାନସନଙ୍କ ନଭେମ୍ବର ୪ ତାରିଖ ସୋମବାର ଦିନ କାଲିଫର୍ଣ୍ଣିଆସ୍ଥିତ ତାଙ୍କ ବାସଭବନରେ ଶୋଇଥିବା ଅବସ୍ଥାରେ ମୃତ୍ୟୁ ଘଟିଛି ବୋଲି ତାଙ୍କ ପରିବାର ପକ୍ଷରୁ ସୂଚନା ଦିଆଯାଇଛି।
ଅଫିସିଆଲ ମିସ୍ ୱାର୍ଲ୍ଡ ଇନଷ୍ଟାଗ୍ରାମ ଆକାଉଣ୍ଟରେ ଏହି ବିଷୟ ଘୋଷଣା କରାଯାଇଛି। ସେଥିରେ କୁହାଯାଇଛି, ହାକାନସନଙ୍କ ଭଲ ଭାବରେ ଯତ୍ନ ନିଆଯାଉଥିଲା। ତାଙ୍କୁ ମିଳିଥିବା ଯତ୍ନ ପାଇଁ ତାଙ୍କ ପରିବାର ଲୋକେ କୃତଜ୍ଞତା ଜଣାଇଛନ୍ତି।
୧୯୫୧ ମସିହା ଜୁଲାଇ ୨୯ ତାରିଖରେ ଲଣ୍ଡନର ଲାଇସିୟମ୍ ବାଲ୍ରୁମଠାରେ ଆୟୋଜିତ ଉଦଘାଟନୀ ପ୍ରତିଯୋଗିତାରେ ସ୍ୱିଡେନରେ ଜନ୍ମିତ ହାକାନସନ୍ ପ୍ରଥମ ମିସ୍ ୱାର୍ଲ୍ଡ ଟାଇଟଲ୍ ଜିତି ଗ୍ଲୋବାଲ ଆଇକନ୍ ହୋଇଥିଲେ। ପ୍ରଥମେ ବ୍ରିଟେନ ମହୋତ୍ସବ ପାଇଁ ଏକକାଳୀନ ଉତ୍ସବ ଭାବେ ପରିକଳ୍ପିତ ଏହି କାର୍ଯ୍ୟକ୍ରମ ଖୁବ୍ ଶୀଘ୍ର ଲୋକପ୍ରିୟତା ହାସଲ କରିଥିଲା ଏବଂ ଏକ ଅନ୍ତର୍ଜାତୀୟ ଅନୁଷ୍ଠାନରେ ପରିଣତ ହୋଇଥିଲା।
ହାକାନସନଙ୍କ ବିୟୋଗରେ ମିସ୍ ୱାର୍ଲ୍ଡ ସଂଗଠନ ଗଭୀର ଶୋକ ପ୍ରକାଶ କରି ସାମାଜିକ ଗଣମାଧ୍ୟମରେ ଗଭୀର ଶୋକ ପ୍ରକାଶ କରିଛି। ବିବୃତିରେ କୁହାଯାଇଛି, “ଆମେ କିକିଙ୍କ ସମସ୍ତ ପରିବାର ପ୍ରତି ଗଭୀର ସମବେଦନା ଜଣାଉଛୁ।
ମିସ୍ ୱାର୍ଲ୍ଡ ସଂଗଠନର ଅଧ୍ୟକ୍ଷା ଜୁଲିଆ ମୋର୍ଲେ ମଧ୍ୟ ଶ୍ରଦ୍ଧାଞ୍ଜଳି ଅର୍ପଣ କରି କହିଛନ୍ତି, କିକି ଜଣେ ପ୍ରକୃତ ବିଜେତା ଥିଲେ ଏବଂ ସେଥିପାଇଁ ସେ ପ୍ରଥମ ମିସ୍ ୱାର୍ଲ୍ଡ ଭାବେ ଇତିହାସରେ ସ୍ଥାନ ପାଇବା ଉଚିତ୍ ଥିଲା। ମୋର୍ଲି ଆହୁରି ମଧ୍ୟ କହିଛନ୍ତି ଯେ ସଂଗଠନ ହାକାନସନଙ୍କ ପରମ୍ପରାକୁ ପାଳନ କରିବା ଜାରି ରଖିବ ଏବଂ ତାଙ୍କୁ କୃପା ଏବଂ ଆକର୍ଷଣର ସ୍ଥାୟୀ ପ୍ରତୀକ ଭାବରେ ସ୍ମରଣ କରିବ।
Comments are closed.