ଫୁଲବାଣୀ: କନ୍ଧମାଳ ଜିଲ୍ଲାର ଅଗ୍ରଣୀ ନାଟ୍ୟ ଅନୁଷ୍ଠାନ ବନାନୀ କଳା ସଙ୍ଗମ ପକ୍ଷରୁ ୨୧ ତମ ନାଟକ “ଅଭିନେତ୍ରୀ” ଆସନ୍ତା ନଭେମ୍ବର ଶେଷ ସପ୍ତାହରେ ଫୁଲବାଣୀର ସଭାଘର ଠାରେ ଦୁଇଦିନ ବ୍ୟାପି ମଞ୍ଚସ୍ଥ ହେବ। ଏଥିପାଇଁ ବୁଧବାର ବନାନୀ ଠାରେ ଅବସର ପ୍ରାପ୍ତ କମାଣ୍ଡାଣ୍ଟ ତଥା ବରିଷ୍ଠ କଳାକାର ନବୀନ କିଶୋର ପଣ୍ଡା, ସାଧାରଣ ସମ୍ପାଦକ ସୁନୀଲ ପଟନାୟକଙ୍କ ଦ୍ୱାରା ନାଟକ ବହି ପୂଜା ଅନୁଷ୍ଠିତ ହୋଇଥିଲା।
ଲେଖକ ଲିଙ୍ଗରାଜ ନାହାକଙ୍କ ଦ୍ୱାରା ଲିଖିତ “ଅଭିନେତ୍ରୀ” ଏକ ସାମାଜିକ ନାଟକ। ଅନ୍ୟ ମାନଙ୍କ ମଧ୍ୟରେ ବନାନୀ କଳା ସଙ୍ଗମର ସଭାପତି ଡ଼ଃ. ଅରୂପ ଜେନା, ସାଧାରଣ ସମ୍ପାଦକ ସୁନୀଲ ପଟନାୟକ, ସଂଗଠନ ସମ୍ପାଦକ ଅଶୋକ ପରିଡା ପ୍ରମୁଖ ଯୋଗ ଦେଇ ନାଟକର ସଫଳତା କାମନା କରିଥିଲେ।
