ଆଠଗଡ: ପୂର୍ବତନ ବିଧାୟକ ତଥା ପ୍ରଦେଶ କଂଗ୍ରେସ କମିଟିର ପୂର୍ବତନ କାର୍ଯ୍ୟକାରୀ ସଭାପତି ଲଲାଟେନ୍ଦୁ ବିଦ୍ୟାଧର ମହାପାତ୍ରଙ୍କ ଅଷ୍ଟମ ଶ୍ରାଦ୍ଧ ବାର୍ଷିକୀ ବୁଧବାର ଯୁବ-ଛାତ୍ର କଂଗ୍ରେସ ପକ୍ଷରୁ ପାଳିତ ହୋଇଯାଇଛି। ଆଠଗଡ ଯୁବ ଓ ଛାତ୍ର କଂଗ୍ରେସ ପକ୍ଷରୁ ପ୍ରଥମେ ଶ୍ରୀ ମହାପାତ୍ରଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରାଯାଇ ତାଙ୍କର ସୃତିଚାରଣ କରାଯାଇଥିଲା । ଓଡିଶାରେ କଂଗ୍ରେସ ଦଳକୁ ସଂଗଠିତ ଓ ମଜବୁତ କରିବାରେ ଲୁଲୁ ମହାପାତ୍ରଙ୍କ ଅବଦାନ ଅବିସ୍ମରଣୀୟ ବୋଲି କଂଗ୍ରେସ ନେତାମାନେ ମତବ୍ୟକ୍ତ କରିଥିଲେ । ଏହାପରେ ଆଠଗଡ ଉପଖଣ୍ଡ ଚିକିତ୍ସାଳୟରେ ରୋଗୀମାନଙ୍କୁ ଫଳ ବଣ୍ଟନ କରାଯାଇଥିଲା। ଆଠଗଡ ଏନଏସିର କଂଗ୍ରେସ କାଉନସିଲର ତଥା କଟକ ଜିଲ୍ଲା ଯୁବ କଂଗ୍ରେସର ଉପସଭାପତି ମନୋରଞ୍ଜନ ପଟ୍ଟନାୟକଙ୍କ ନେତୃତ୍ବରେ କାର୍ଯ୍ୟକ୍ରମ ଅନୁଷ୍ଠିତ ଏହି କାର୍ଯ୍ୟକ୍ରମରେ ପ୍ରଶାନ୍ତ ପାଇଲଟ, ସମ୍ବିତ ଦଳାଇ, ଶିରିଶ ଧଳ, ବିକ୍ରମ ରାୟସାମନ୍ତ, ରଜତ ସାହୁ, ପ୍ରଭୃଦତ୍ତ ବେହେରା, ସଂଗ୍ରାମ ବେହେରା, ଅଭିନାଶ ପ୍ରଧାନ ଓ ସତ୍ୟଜିତ ପଟ୍ଟନାୟକ ପ୍ରମୁଖ ଯୋଗଦେଇ ସ୍ବର୍ଗତ ମହାପାତ୍ରଙ୍କ ପ୍ରତି ଶ୍ରଦ୍ଧାସୁମନ ଅର୍ପଣ କରିଥିଲେ ।
Popular Categories
Previous article
Next article