ହିନ୍ଦୁ ଧର୍ମରେ ପ୍ରତ୍ୟେକ ବର୍ଷ କାର୍ତ୍ତିକ ମାସର କୃଷ୍ଣ ପକ୍ଷର ତ୍ରୟୋଦଶୀରେ ଧନତେରସ ପର୍ବ ପାଳନ କରାଯାଏ । ଏହି ପର୍ବ ଦୀପାବଳିର ୨ ଦିନ ପୂର୍ବରୁ ପାଳନ କରାଯାଏ । ଏହି ଦିନ ଜିନିଷ କିଣିବା ପାଇଁ ଶୁଭଙ୍କର ବୋଲି ମାନ୍ୟତା ରହିଛି । ତେଣୁ ଧନତେରସରେ ଲୋକେ ନୂଆ ବାସନ, ସୁନା-ରୁପାର ଗହଣା, ଗାଡି, ଭୂମି ଆଦି କିଣି ଥାନ୍ତି । ତେବେ ଏଭଳି କିଛି ଜିନିଷ ରହିଛି, ଯାହାକୁ ଧନତେରସରେ କିଣିବା ପାଇଁ ବାରଣ କରାଯାଇଛି । ଏହାକୁ କିଣିଲେ ଧନ-ସମ୍ପତ୍ତି କ୍ଷୟ ସହ ଧନର ଅଭାବ ଓ ମା’ଲକ୍ଷ୍ମୀ ଅସନ୍ତୁଷ୍ଟ ହୋଇ ଥାଆନ୍ତି । ଜାଣନ୍ତୁ..
କଳାରଙ୍ଗର ଜିନିଷ – ଏହି ଦିନଟି ଖୁବ୍ ଶୁଭ ବୋଲି ମାନ୍ୟତା ରହିଛି । ତେଣୁ ଧନତେରସରେ କୌଣସି କଳାରଙ୍ଗର ଜିନିଷ କିଣନ୍ତୁ ନାହିଁ । ନଚେତ୍ ଜୀବନରେ ନକରାତ୍ମକ ପ୍ରଭାବ ଓ ଅଶାନ୍ତି ଲାଗି ରହିଥାଏ ।
କାଚ ଜିନିଷ- ଧନତେରସକୁ ସୁଖ-ସମୃଦ୍ଧି ଓ ଧନ ପ୍ରାପ୍ତିର ପର୍ବ ବୋଲି କୁହାଯାଏ । ତେଣୁ ଏହି ଦିନ କାଚ ଜିନିଷ କିଣନ୍ତୁ ନାହିଁ । ଜୀବନରେ ଏହାର ଅଶୁଭ ପ୍ରଭାବ ପଡିଥାଏ । ସୁଖ-ସମୃଦ୍ଧି ଦୂରେଇ ଯାଏ ।
୫୦୦ ବର୍ଷ ପରେ ଦୀପାବଳିରେ ଅଦ୍ଭୁତ ସଂଯୋଗ, ଏହି ରାଶି ହେବେ ଭାଗ୍ୟଶାଳୀ, ହଠାତ୍ ମିଳିବ ଧନ..
ଲୁହା ଜିନିଷ – ଜ୍ୟୋତି ଶାସ୍ତ୍ର ଅନୁସାରେ ଏହି ଦିନ ଲୁହା ଜିନିଷ କିଣିବା ଶୁଭଙ୍କର ନୁହେଁ । ଲୁହା ଜିନିଷ କିଣିଲେ ଆର୍ଥିକ ସମସ୍ୟା ଲାଗି ରହିଥାଏ । ଟଙ୍କାର ଅଭାବ ହୋଇଥାଏ।
ସୋରିଷ ତେଲ – ଏହି ଦିନ ସୋରିଷ ତେଲ କିଣିବା ଦ୍ୱାରା ଜାତକରେ ଶନି ଗ୍ରହ ଦୁର୍ବଳ ହୋଇ ଥାଆନ୍ତି । ଶନିଙ୍କ ଅଶୁଭ ଫଳ ମିଳିବା ସହ ଜୀବନରେ ସମସ୍ୟା ଲାଗି ରହିଥାଏ।
