ସିମୁଳିଆ: ବାତ୍ୟା “ଦାନା” ପ୍ରଭାବରେ ସିମୁଳିଆ ବ୍ଲକର ଅଧିକାଂଶ ଅଞ୍ଚଳ ବନ୍ୟା ପ୍ରଭାବିତ ହୋଇ ଲୋକେ ଅନ୍ଧାରରେ ଓ ଭୋକ ଉପାସରେ ଜୀବନ କାଟୁଥିବା ବେଳେ ଚାଲୁଣିଗାଁ ପଞ୍ଚାୟତର ଅନେକ ଅଞ୍ଚଳ ପାଣି ଘେର ମଧ୍ୟରେ ରହିଛି। ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଓ ସିମୁଳିଆ ବିଧାୟକ ପଦ୍ମଲୋଚନ ପଣ୍ଡା ଆକାଶ ମାର୍ଗରୁ ପରିଦର୍ଶନ କରିଛନ୍ତି। ଏହାସହ ବିଧାୟକଙ୍କ ପ୍ରତିନିଧି ଯୁବନେତା ଡା. ଅଣୁମାଧବ ପଣ୍ଡା ଉକ୍ତ ପଞ୍ଚାୟତର ସାଧୁବିରି ଓ ବାଉଁଶବାଟି ଗ୍ରାମକୁ ଓଡ଼୍ରାଫ୍ ଟିମ୍ ସହିତ ବୋଟ୍ ଯୋଗେ ଯାଇ ବାତ୍ୟା ବିପନ୍ନ ଲୋକ ମାନଙ୍କର ସମସ୍ୟା ସମ୍ବନ୍ଧରେ ପଚାରି ବୁଝିବା ସହିତ ଶୁଖିଲା ଖାଦ୍ୟ ଓ ଅତ୍ୟାବଶ୍ୟକ ନିତ୍ୟ ବ୍ୟବହାର ଜିନିଷ ପ୍ରଦାନ କରିଛନ୍ତି। ଏହି ଅବସରରେ ଜାମୁଝାଡି ମଣ୍ଡଳର ସଭାପତି ସୁଶାନ୍ତ ନାୟକ, ଚାଲୁଣିଗାଁ ପଞ୍ଚାୟତର ସରପଞ୍ଚ ମମତାରାଣୀ ନାୟକ, ପଞ୍ଚାୟତ ସଭାପତି ସତ୍ୟନାରାୟଣ ମହାନ୍ତି, ରାମଗୋବିନ୍ଦ ମହାନ୍ତି, କ୍ଷୀରକୋଣା ପଞ୍ଚାୟତର ସଭାପତି ରାଜେନ୍ଦ୍ର ବଳ, ଜାମୁଝାଡି ପଞ୍ଚାୟତର ପୂର୍ବତନ ସମିତିସଭ୍ୟ ଶ୍ରୀଧର ମହାନ୍ତି ଓ ଅନ୍ୟାନ୍ୟ ବରିଷ୍ଠ କର୍ମକର୍ତ୍ତାମାନେ ସହଯୋଗ କରିଥିଲେ।
Comments are closed.