ନୂଆଦିଲ୍ଲୀ : ନିକଟରେ ସୋସିଆଲ ମିଡିଆରେ ଜଣେ ଯୁବକଙ୍କ ଏପରି ଭିଡିଓ ଭାଇରାଲ୍ ହେଉଛି, ଯାହା ସଭିଁଙ୍କୁ ଚିନ୍ତାରେ ପକାଇ ଦେଇଛି । ଜଣେ ଯୁବକ ଚଳନ୍ତା ଟ୍ରେନ୍ରେ ଜୀବନକୁ ବାଜି ଲଗାଇ ଏଭଳି ଏକ ବିପଜ୍ଜନକ ଷ୍ଟଣ୍ଟ କରୁଛନ୍ତି, ଯାହାକୁ ନଦେଖିଲେ ବିଶ୍ୱାସ କରି ହେବ ନାହିଁ । ଭିଡିଓଟି ସୋସିଆଲ ମିଡିଆରେ ଶେୟାର କରାଯିବା ପରେ ଏହା ଦ୍ରୁତ ଗତିରେ ଭାଇରାଲ୍ ହେବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି ।
ଦୀପାବଳିରେ ଦୁର୍ଲ୍ଲଭ ରାଜଯୋଗ; ଏହି ରାଶିଙ୍କୁ ମିଳିବ ମା’ଲକ୍ଷ୍ମୀଙ୍କ ବିଶେଷ କୃପା, ହେବେ ଭାଗ୍ୟଶାଳୀ..
ଭାଇରାଲ୍ ଭିଡିଓରେ ଦେଖିପାରିବେ, ଜଣେ ଯୁବକ ଓ ତାଙ୍କର ଆଉ ଜଣେ ବନ୍ଧୁ ଟ୍ରେନ୍ର କବାଟ ନିକଟରେ ନଜର ଆସୁଛନ୍ତି । ଏହି ସମୟରେ ଯୁବକ ଜଣକ ମୃତ୍ୟୁକୁ ଚ୍ୟାଲେଞ୍ଜ ଦେବା ଭଳି କାମ କରିଛନ୍ତି । ଯୁବକ ଜଣକ ଗୋଟିଏ ଗୋଡ ଟ୍ରେନ୍ରେ ଓ ଅନ୍ୟ ଏକ ଗୋଡ ପ୍ଲାର୍ଟଫର୍ମରେ ରଖୁଛନ୍ତି । କିଛି ସମୟ ପର୍ଯ୍ୟନ୍ତ ଟ୍ରେନ୍ ସହ ଘୋଷାଡ଼ି ହୋଇ ମଧ୍ୟ ଯାଉଛନ୍ତି । ମଝିରେ ମଝିରେ ନିଜ ପାଦକୁ ପ୍ଲାର୍ଟଫର୍ମରୁ ଉଠାଇ ଟ୍ରେନ୍ରେ ରଖୁଛନ୍ତି । ପୁଣି ଟ୍ରେନ୍ରୁ ପ୍ଲାର୍ଟଫର୍ମରେ ରଖୁଛନ୍ତି ।
ଭିଡିଓ ଆରମ୍ଭ ହେବା ମାତ୍ରେ ଦେଖିପାରିବେ, ଯୁବକ ଜଣକ ଚପଲ ପିନ୍ଧି ଚଳନ୍ତା ଟ୍ରେନ୍ରେ କବାଟ ନିକଟରେ ଜୀବନକୁ ବାଜି ଲଗାଇ ଷ୍ଟଣ୍ଟ କରୁଛନ୍ତି । ଭିଡିଓକୁ ଏଯାଏଁ ଲକ୍ଷ ଲକ୍ଷ ଲୋକେ ଦେଖି ସାରିଲେଣି । ନିଜର ଭିନ୍ନ ଭିନ୍ନ ମତ ଦେଉଛନ୍ତି ।
