ନୂଆଦିଲ୍ଲୀ: ମାର୍ବଲ ଷ୍ଟୁଡିଓଜ୍ ନିର୍ମିତ ହଲିଉଡ୍ ଫିଲ୍ମ ‘ବ୍ଲାକ୍ ପାନ୍ଥର’ ଭାରତରେ ଭଲ ଆୟ କରୁଛି। ମୁକ୍ତିଲାଭ କରିବାର ପ୍ରଥମ ଦିନରେ ଏହି ଫିଲ୍ମ ୫ କୋଟିରୁ ଅଧିକ ବ୍ୟବସାୟ କରିସାରିଛି। ସେହିପରି ଦ୍ୱିତୀୟ ଦିନରେ ମଧ୍ୟ ଆୟ ୬ କୋଟି ପାର କରିଥିବା ଜଣାପଡ଼ିଛି। ଚଳଚ୍ଚିତ୍ରରେ କ୍ୟାଡୱିକ୍ ବୋସମ୍ୟାନ ସୁପରହିରୋ ଚରିତ୍ରରେ ନଜର ଆସିଛନ୍ତି। ଉଭୟ ଇଂରାଜୀ ଓ ହିନ୍ଦି ଭାଷାରେ ଏହି ଫିଲ୍ମ ରିଲିଜ୍ କରିଛି। ଅପରପକ୍ଷରେ ଆମେରିକାରେ ଏହି ଫିଲ୍ମ ମୁକ୍ତିଲାଭ କରିବାର ପ୍ରଥମ ସପ୍ତାହ ମଧ୍ୟରେ ଆୟ ୧୭ କୋଟି ଡଲାର ଟପିବାର ସମ୍ଭାବନା ରହିଛି।
