ପାଟଣା: ମୟୁରଭଞ୍ଜ ଜିଲ୍ଲା ଚଢ଼େଇଭୋଳରୁ ସାହାରପଡା ବ୍ଲକ ଅଞ୍ଚଳକୁ ଏକ ଅଟୋରେ କବାଟ ଲଗାଇବା ପାଇଁ ବ୍ୟବହୃତ ୧୨ଟି ଚୌକାଠ ଓ ୬ଟି ସାନ ଚୌକାଠ ଚାଲାଣ କରାଯାଉଥିବା ବେଳେ ପାଟଣା ବନାଞ୍ଚଳ ଇଲାକା ସାହାରପଡା ବ୍ଲକ ମୁକ୍ତାପୁର ନିକଟରୁ ଅଟୋଟିକୁ କାଠ ସହ ବନବିଭାଗ ଜବତ କରିଛି। କୌଣସି ସୂତ୍ରରୁ ଖବର ପାଇ ପାଟଣା ବନାଞ୍ଚଳ ଅଧିକାରୀ ବନବିହାରୀ ସର୍ଦ୍ଦାର, ସାହାରପଡା ବନରକ୍ଷୀ ରଞ୍ଜିତା ମହାନ୍ତ ଓ ଦୀପକ କୁମାର ରଣାଙ୍କ ସହ ବନବିଭାଗ ପାରା କର୍ମଚାରୀ ମାନେ ବିଲା ରାସ୍ତାର ମୁକ୍ତାପୁର ନିକଟରେ ଏହି ଚୋରା କାଠ ବୋଝେଇ ଅଟୋକୁ ଜବତ କରିଛନ୍ତି। ବନବିଭାଗ କର୍ମଚାରୀଙ୍କୁ ଦେଖି ଅଟୋ ଚାଳକ ଅଟୋ ରଖି ଫେରାର ହୋଇ ଯାଇଥିଲା।
Comments are closed.