ଭବାନୀପାଟଣା: କୂଅରେ ପଡ଼ିଛି ଦନ୍ତା ହାତୀ। ଏଭଳି କିଛି ଦୃଶ୍ୟ ଦେଖିବାକୁ ମିଳିଛି କଳାହାଣ୍ଡି ଉତ୍ତର ବନଖଣ୍ଡ ଅନ୍ତର୍ଗତ ନର୍ଲା ରେଞ୍ଜ ର ଜାମପଡ଼ା ଗାଁରେ। ଏକ ପରିତ୍ୟକ୍ତ କୂଅ ରେ ଗୋଟାଏ ଦନ୍ତା ହାତୀ ପଡ଼ିଥିବା ଦେଖିବାକୁ ମିଳିଛି। ବୁଧବାର ବିଳମ୍ବିତ ରାତିରେ ହାତୀଟି କୂଅ ରେ ପଡ଼ିଥିବା ସୂଚନା ମିଳିଛି। ଖବର ପାଇ ଆଜି ସକାଳେ ବନ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ଜେସିବି ମେସିନ ସହିତ ପହଞ୍ଚି ଛନ୍ତି। ଏହି ଅଞ୍ଚଳଟି ହାତୀ କରିଡ଼ର ଭାବେ ଜଣାଶୁଣା। ଗତ ପ୍ରାୟ ଦୁଇ ବର୍ଷ ତଳେ ଏହି ଗାଁ ରେ ଦୁଇ ହାତୀ ମଧ୍ୟରେ ଲଢେ଼ଇ ରେ ଗୋଟାଏ ଦନ୍ତାର ମୃତ୍ୟୁ ଘଟିଥିଲା। ପରେ ପରେ ୧୧ କେଭି ତାରରେ ଲାଗି ଅନ୍ୟ ଗୋଟିଏ ହାତୀ ର ମଧ୍ୟ ମୃତ୍ୟୁ ଘଟିଥିଲା। ସୂଚନାଯୋଗ୍ୟ ଯେ ଗତ ୩୦ ତାରିଖ ଦିନ କେସିଙ୍ଗା ରେଞ୍ଜ ଅନ୍ତର୍ଗତ ସୌରାପଦର ଗାଁ ରେ ଏକ ପରିତ୍ୟକ୍ତ କୂଅ ରେ ଗୋଟାଏ ଛୁଆ ହାତୀ ପଡ଼ିଥିଲା। ତାକୁ ବନ କର୍ମଚାରୀମାନେ ଉଦ୍ଧାର କରିଥିଲେ।
Comments are closed.