ସମ୍ବଲପୁର : ସ୍ଥାନୀୟ ବୀର ସୁରେନ୍ଦ୍ର ସାଏ ଷ୍ଟାଡିୟମ ଠାରେ ଆୟୋଜିତ ହେଉଥିବା ସର୍ବ ଭାରତୀୟ ବୀର ସୁରେନ୍ଦ୍ର ସାଏ ଫୁଟବଲ ଚାମ୍ପିୟନସିପ ୨୦୨୪ ଶୁକ୍ରବାର ଉଦଯାପିତ ହୋଇଯାଇଛି। ଅପରାହ୍ନରେ ଆୟୋଜିତ ଫାଇନାଲ ମ୍ୟାଚରେ ସମ୍ବଲପୁର ଏକାଡେମୀ ଦଳ ଓ କଟକର ରାଧାରମଣ କ୍ଲବ ମଧ୍ୟରେ ଅନୁଷ୍ଠିତ ହୋଇଥିଲା। ଏହି ମ୍ୟାଚରେ ସମ୍ବଲପୁର ଦଳ ୧ – ୦ ଗୋଲରେ କଟକ ଦଳକୁ ହରାଇ ଚଳିତ ବର୍ଷର ଚାମ୍ପିୟନ ହୋଇଛି। ମ୍ୟାଚରେ ରେଫରୀ ଜଗନ୍ନାଥ ରାଓ, ନିଳ ନାୟକ, ରାଜ କୁମାର ମଣ୍ଡଲ, ସଲିଲ ବେହେରା ଓ ମ୍ୟାଚ କମିଶନରର ସୁଭାଷ ଚନ୍ଦ୍ର ରାଉତ ଦାୟିତ୍ୱ ନିର୍ବାହ କରିଥିଲେ। ଉଦଯାପନୀ ଉତ୍ସବରେ ସମ୍ବଲପୁର ବିଧାୟକ ଜୟନାରାୟଣ ମିଶ୍ର ମୁଖ୍ୟ ଅତିଥି ରୂପେ ଯୋଗ ଦେଇ ଚାମ୍ପିୟନ ଦଳକୁ ପୁରସ୍କାର ପ୍ରଦାନ କରିଥିଲେ।
ଏଭଳି ପ୍ରତିଯୋଗିତା ପ୍ରଥମ ଥର ପାଇଁ ସମ୍ବଲପୁରରେ ଆୟୋଜିତ ହୋଇଥିବାରୁ ଦେଶର ବିଭିନ୍ନ ରାଜ୍ୟର ଫୁଟବଲ ଖେଳାଳି ମାନଙ୍କ ଖେଳକୁ ସହରର ଫୁଟବଲ ପ୍ରେମୀ ଦେଖିବାକୁ ପାଇଥିଲେ। ପ୍ରତିଯୋଗିତାରେ ଓଡିଶା ସମେତ ମହାରାଷ୍ଟ୍ର, ଝାଡଖଣ୍ଡ, ପଶ୍ଚିମବଙ୍ଗ, ବିହାର, ଆନ୍ଧ୍ରପ୍ରଦେଶ ରାଜ୍ୟ ଗୁଡିକର ସମୁଦାୟ ୮ଟି ଫୁଟବଲ ଦଳ ଅଂଶଗ୍ରହଣ କରିଥିଲେ। ପ୍ରତିଯୋଗିତାକୁ ଜିଲା ପ୍ରଶାସନ ଓ ସମ୍ବଲପୁର ଫୁଟବଲ ଏସୋସିଏସନ ଅଫ ଓଡିଶା ପକ୍ଷରୁ ମିଳିତ ଆନୁକୂଲ୍ୟରେ ଜିଲା କ୍ରିଡା ସଂଘ ତରଫରୁ ଆୟୋଜିତ ହୋଇଥିଲା। ପ୍ରତିଯୋଗୀତାକୁ ଆୟୋଜନ ଓ ପରିଚାଳନାରେ ଜିଲା କ୍ରିଡା ସଂଘର ସାଧାରଣ ସମ୍ପାଦକ ସୁନୀଲ ସାହୁ, ଫୁଟବଲ ସଚିବ ଅବଦୁଲ ଗଫାରଙ୍କ ସମେତ ସଦସ୍ୟ ମାନେ ସକ୍ରିୟ ସହଯୋଗ କରିଥିଲେ।
୬୦ ବର୍ଷରେ ବି ଦେଖାଯିବେ ୨୫ ବର୍ଷ ; ଯୁବା ଦେଖାଯିବାର ଲୋଭ ଦେଖାଇ ୩୫ କୋଟି ଟଙ୍କା ଚୁନ ଲଗାଇଲେ ଦମ୍ପତି..
