ଚଳିତ ବର୍ଷ ଦଶହରାରେ ୨ଟି ରାଜଯୋଗର ଅଦ୍ଭୁତ ସଂଯୋଗ ହେବାକୁ ଯାଉଛି । ଶନି ଓ ଶୁକ୍ର କ୍ରମଶଃ ଶଶ ରାଜଯୋଗ ଓ ମାଲବ୍ୟ ରାଜଯୋଗ ସୃଷ୍ଟି କରିବେ । ଏହି ରାଜଯୋଗ ୬ ରାଶି ବ୍ୟକ୍ତି ବିଶେଷଙ୍କ ଭାଗ୍ୟ ବଦଳାଇ ଦେବ । ଜାଣନ୍ତୁ..
ଅକ୍ଟୋବର ୧୩ରେ ଦଶହରା ପର୍ବ ପାଳନ କରାଯିବ । ୯ ଦିନ ପର୍ଯ୍ୟନ୍ତ ମା’ ଦୁର୍ଗା ଭକ୍ତଙ୍କ ଗହଣରେ ରହିବେ । ଏହି ଦିନ ରାବଣ ପୋଡି ଉତ୍ସବ ମଧ୍ୟ ପାଳନ କରାଯାଏ । ଏହି ବର୍ଷର ଦଶହରା କେବଳ ଧାର୍ମିକ ଦୃଷ୍ଟି କୋଣରୁ ନୁହେଁ ବରଂ ଜ୍ୟୋର୍ତିବିଦଙ୍କ ମତାନୁସାରେ ଖୁବ୍ ଖାସ୍ । କାରଣ ଦଶହରାରେ ଗ୍ରହଙ୍କ ସ୍ଥିତି ଖୁବ୍ ଶୁଭ ଯୋଗ ସୃଷ୍ଟି କରୁଛନ୍ତି।
୧୨ ଅକ୍ଟୋବର ୨୦୨୪ରେ ଶୁକ୍ର ଗ୍ରହ ନିଜ ରାଶି ତୁଳାରେ ରହିବେ । ଫଳରେ ମାଲବ୍ୟ ରାଜଯୋଗ ସୃଷ୍ଟି ହେବ । ସେହିପରି କର୍ମଫଳ ଦାତା ଶନି କୁମ୍ଭ ରାଶିରେ ବିରାଜମାନ ହୋଇ ଶଶ ରାଜଯୋଗ ସୃଷ୍ଟି କରୁଛନ୍ତି । ଏହି ୨ ରାଜଯୋଗର ଶୁଭଫଳ ୬ ରାଶି ବ୍ୟକ୍ତି ବିଶେଷଙ୍କୁ ମିଳିବ।
ମେଷ – ଏହି ରାଶି ବ୍ୟକ୍ତି ବିଶେଷଙ୍କ ଦାମ୍ପତ୍ୟ ଜୀବନ ସୁଖମୟ ହେବ । ଅବିବାହିତ ଲୋକଙ୍କ ବିବାହ ହେବ । ଚାକିରି-ବ୍ୟବସାୟରେ ସକରାତ୍ମକ ଫଳ ମିଳିବ।
ବୃଷ – ବୃଷ ରାଶି ବ୍ୟକ୍ତି ବିଶେଷଙ୍କ ପାଇଁ ମାଲବ୍ୟ ଯୋଗ ଓ ଶଶ ଯୋଗ ଶୁଭଫଳ ପ୍ରଦାନ କରିବ । କର୍ମକ୍ଷେତ୍ରରେ ସଫଳତା ସହ ପଦନ୍ନୋତି ହେବ । ଦରମା ବୃଦ୍ଧି ସହ ନୂଆ ଦାୟିତ୍ୱ ମିଳିବ । ନୂଆ ଚାକିରିର ଯୋଗ ରହିଛି । ସବୁ କ୍ଷେତ୍ରରେ ଭାଗ୍ୟର ସାଥ୍ ମିଳିବ । କୋର୍ଟ କଚେରୀ ମାମଲାରେ ଶୁଭଫଳ ପାଇବେ।
କନ୍ୟା – ଏହି ରାଶିର ଲୋକଙ୍କୁ ଶୁଭଫଳ ମିଳିବ । କର୍ମକ୍ଷେତ୍ରରେ ଉନ୍ନତି ହେବ । ଧନ ପ୍ରାପ୍ତି ହେବ ।
ତୁଳା – ଏହି ରାଶି ବ୍ୟକ୍ତି ବିଶେଷଙ୍କୁ ବଡ ସଫଳତା ମିଳିବ । ମନପସନ୍ଦର ଚାକିରି ମିଳିବ । ଆର୍ଥିକ ସ୍ଥିତି ମଜଭୁତ ହେବ। ନିବେଶ କରି ଲାଭବାନ୍ ହେବେ । ପ୍ରେମ ସମ୍ପର୍କ ମଜଭୁତ ହେବ । ବିବାହ ସ୍ଥିର ହେବ।
ମକର – ଏହି ରାଶିର ବ୍ୟକ୍ତି ବିଶେଷଙ୍କୁ କର୍ମକ୍ଷେତ୍ରରେ ସଫଳତା ମିଳିବ । ଖୁବ୍ ଟଙ୍କା ରୋଜଗାର କରିବେ । ଆର୍ଥିକ ସ୍ଥିତି ମଜଭୁତ ହେବ।
କୁମ୍ଭ- ଏହି ରାଶି ବ୍ୟକ୍ତି ବିଶେଷଙ୍କୁ ଭାଗ୍ୟର ସାଥ୍ ମିଳିବ । କରଜରୁ ମୁକ୍ତି ମିଳିବ । ଚାକିରିରେ ଶୁଭଫଳ ମିଳିବ । ଜୀବନରେ ସୁଖସମୃଦ୍ଧି ବୃଦ୍ଧି ହେବ । ନୂଆ ଯାନ କିଣିବାର ଯୋଗ ରହିଛି । ଧାର୍ମିକ ଓ ମାଙ୍ଗଳିକ କାର୍ଯ୍ୟରେ ଯୋଗ ଦେବେ।
