କଟକ : କଟକ ଦଶହରା ଭସାଣି ନେଇ ଡିସିପି ଜଗମୋହନ ମୀନା ପୂର୍ବାଞ୍ଚଳରେ ଥିବା ମୁଖ୍ୟ ରାସ୍ତାକୁ ବୁଲି ଦେଖିଛନ୍ତି। ରାତି ପ୍ରାୟ ୧୦ଟା ବେଳେ ଡିସିପି ସମସ୍ତ ଜୋନ୍ ଏସିପି ଓ ପୂର୍ବାଞ୍ଚଳରେ ଥିବା ଥାନା ଅଧିକାରୀଙ୍କୁ ଡାକିଥିଲେ। ଏହା ପରେ ମଙ୍ଗଳାବାଗରୁ ଓଏମ୍ପି ବିଳମ୍ବିତ ରାତି ପର୍ଯ୍ୟନ୍ତ ରାସ୍ତାକୁ ଦେଖିଥିଲେ। ଭସାଣ ଯାତ୍ରା ସମୟରେ ଯେପରି କୌଣସି ପ୍ରକାର ସମସ୍ୟା ଦେଖା ନଯାଏ ତାହା ସୁନିଶ୍ଚିତ କରିବାକୁ ଡିସିପି ପୁଲିସ ଅଧିକାରୀଙ୍କୁ କହିଛନ୍ତି। ଶୁକ୍ରବାର ଡିସିପି ସହର ଭିତର ରାସ୍ତା ପରିଦର୍ଶନ କରିବେ ବୋଲି ସୂଚନା ମିଳିଛି।
